헬라어 문장 검색 - Πλυταρ́Συλλά04́

(플루타르코스, Sulla, chapter 4)

ἠνία μὲν οὖν ταῦτα τὸν Μάριον· ἔτι δὲ ἡγούμενοσ ἐλάττονα τοῦ φθονεῖσθαι τὸν Σύλλαν, ἐχρῆτο πρὸσ τὰσ στρατείασ, τὸ μὲν δεύτερον ὑπατεύων πρεσβευτῇ, τὸ δὲ τρίτον χιλιάρχῳ, καὶ πολλὰ δι’ ἐκείνου τῶν χρησίμων κατωρθοῦτο. ἐκ δὲ τούτων τὸν Μάριον αἰσθόμενοσ ἀχθόμενον αὐτῷ καὶ μηκέτι προϊέμενον ἡδέωσ πράξεων ἀφορμάσ, ἀλλὰ ἐνιστάμενον τῇ αὐξήσει, Κάτλῳ, τῷ συνάρχοντι τοῦ Μαρίου, προσένειμεν ἑαυτόν, ἀνδρὶ χρηστῷ μέν, ἀμβλυτέρῳ δὲ πρὸσ τοὺσ ἀγῶνασ, ὑφ’ οὗ τὰ πρῶτα καὶ μέγιστα πιστευόμενοσ εἰσ δύναμιν ἅμα δόξῃ προῄει.

καὶ πολέμῳ μὲν αἱρεῖ πολὺ μέροσ τῶν ἐν ταῖσ Ἄλπεσι βαρβάρων, ἐπιλιπούσησ δὲ τῆσ ἀγορᾶσ ἀναδεξάμενοσ τὴν ἐπιμέλειαν τοσαύτην ἐποίησε περιουσίαν, ὥστε τῶν Κάτλου στρατιωτῶν ἐν ἀφθόνοισ διαγόντων καὶ τοῖσ Μαρίου προσπαρασχεῖν.

ἐφ’ ᾧ φησιν αὐτὸσ ἰσχυρῶσ ἀνιᾶσαι τὸν Μάριον. ἡ μὲν οὖν ἔχθρα βραχεῖαν οὕτω καὶ μειρακιώδη λαβοῦσα τὴν πρώτην ὑπόθεσιν καὶ ἀρχήν, εἶτα χωροῦσα δι’ αἵματοσ ἐμφυλίου καὶ στάσεων ἀνηκέστων ἐπὶ τυραννίδα καὶ σύγχυσιν ἁπάντων πραγμάτων, ἀπέδειξε τὸν Εὐριπίδην σοφὸν ἄνδρα καὶ πολιτικῶν ἐπιστήμονα νοσημάτων, διακελευσάμενον φυλάττεσθαι τὴν φιλοτιμίαν ὡσ ὀλεθριωτάτην καὶ κακίστην δαίμονα τοῖσ χρωμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sulla, chapter 4

(플루타르코스, Sulla, chapter 4)

상위

목록

SEARCH

MENU NAVIGATION