헬라어 문장 검색 - Πλυταρ́Σολον́29́

(플루타르코스, Σόλων, chapter 29)

οἱ δὲ ἐν ἄστει πάλιν ἐστασίαζον ἀποδημοῦντοσ τοῦ Σόλωνοσ· καὶ προειστήκει τῶν μὲν Πεδιέων Λυκοῦργοσ, τῶν δὲ Παράλων Μεγακλῆσ ὁ Ἀλκμαίωνοσ, Πεισίστρατοσ δὲ τῶν Διακρίων, ἐν οἷσ ἦν ὁ θητικὸσ ὄχλοσ καὶ μάλιστα τοῖσ πλουσίοισ ἀχθόμενοσ· ὥστε χρῆσθαι μὲν ἔτι τοῖσ νόμοισ τὴν πόλιν, ἤδη δὲ πράγματα νεώτερα προσδοκᾶν καὶ ποθεῖν ἅπαντασ ἑτέραν κατάστασιν, οὐκ ἴσον ἐλπίζοντασ, ἀλλὰ πλέον ἕξειν ἐν τῇ μεταβολῇ καὶ κρατήσειν παντάπασι τῶν διαφερομένων. οὕτω δὲ τῶν πραγμάτων ἐχόντων ὁ Σόλων παραγενόμενοσ εἰσ τὰσ Ἀθήνασ, αἰδῶ μὲν εἶχε καὶ τιμὴν παρὰ πᾶσιν, ἐν δὲ κοινῷ λέγειν καὶ πράσσειν ὁμοίωσ οὐκ ἔτ’ ἦν δυνατὸσ οὐδὲ πρόθυμοσ ὑπὸ γήρωσ, ἀλλ’ ἐντυγχάνων ἰδίᾳ τοῖσ προεστῶσι τῶν στάσεων ἀνδράσιν ἐπειρᾶτο διαλύειν καὶ συναρμόττειν, μάλιστα τοῦ Πεισιστράτου προσέχειν δοκοῦντοσ αὐτῷ.

καὶ γὰρ αἱμύλον τι καὶ προσφιλὲσ εἶχεν ἐν τῷ διαλέγεσθαι, καὶ βοηθητικὸσ ἦν τοῖσ πένησι καὶ πρὸσ τὰσ ἔχθρασ ἐπιεικὴσ καὶ μέτριοσ. ἃ δὲ φύσει μὴ προσῆν αὐτῷ, καὶ ταῦτα μιμούμενοσ ἐπιστεύετο μᾶλλον τῶν ἐχόντων, ὡσ εὐλαβὴσ καὶ κόσμιοσ ἀνὴρ καὶ μάλιστα δὴ τὸ ἴσον ἀγαπῶν, καὶ δυσχεραίνων εἴ τισ τὰ παρόντα κινοίη καὶ νεωτέρων ὀρέγοιτο·

τούτοισ γὰρ ἐξηπάτα τοὺσ πολλούσ. ὁ δὲ Σόλων ταχὺ τὸ ἦθοσ ἐφώρασεν αὐτοῦ καὶ τὴν ἐπιβουλὴν πρῶτοσ ἐγκατεῖδεν· οὐ μὴν ἐμίσησεν, ἀλλ’ ἐπειρᾶτο πραύ̈νειν καὶ νουθετεῖν, καὶ πρὸσ αὐτὸν ἔλεγε καὶ πρὸσ ἑτέρουσ ὡσ εἴ τισ ἐξέλοι τὸ φιλόπρωτον αὐτοῦ τῆσ ψυχῆσ καὶ τὴν ἐπιθυμίαν ἰάσαιτο τῆσ τυραννίδοσ, οὐκ ἔστιν ἄλλοσ εὐφυέστεροσ πρὸσ ἀρετὴν οὐδὲ βελτίων πολίτησ. ἀρχομένων δὲ τῶν περὶ Θέσπιν ἤδη τὴν τραγῳδίαν κινεῖν, καὶ διὰ τὴν καινότητα τοὺσ πολλοὺσ ἄγοντοσ τοῦ πράγματοσ, οὔπω δ’ εἰσ ἅμιλλαν ἐναγώνιον ἐξηγμένου, φύσει φιλήκοοσ ὢν καὶ φιλομαθὴσ ὁ Σόλων, ἔτι μᾶλλον ἐν γήρᾳ σχολῇ καὶ παιδιᾷ καὶ νὴ Δία πότοισ καὶ μουσικῇ παραπέμπων ἑαυτόν, ἐθεάσατο τὸν Θέσπιν αὐτὸν ὑποκρινόμενον, ὥσπερ ἔθοσ ἦν τοῖσ παλαιοῖσ.

μετὰ δὲ τὴν θέαν προσαγορεύσασ αὐτὸν ἠρώτησεν εἰ τοσούτων ἐναντίον οὐκ αἰσχύνεται τηλικαῦτα ψευδόμενοσ.

φήσαντοσ δὲ τοῦ Θέσπιδοσ μὴ δεινὸν εἶναι τὸ μετὰ παιδιᾶσ λέγειν τὰ τοιαῦτα καὶ πράσσειν, σφόδρα τῇ βακτηρίᾳ τὴν γῆν ὁ Σόλων πατάξασ· "ταύτην ἐπαινοῦντεσ οὕτω καὶ τιμῶντεσ εὑρήσομεν ἐν τοῖσ συμβολαίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Σόλων, chapter 29

(플루타르코스, Σόλων, chapter 29)

상위

목록

SEARCH

MENU NAVIGATION