헬라어 문장 검색 - Πλυταρ́Σολον́12́

(플루타르코스, Σόλων, chapter 12)

τὸ δὲ Κυλώνειον ἄγοσ ἤδη μὲν ἐκ πολλοῦ διετάραττε τὴν πόλιν, ἐξ οὗ τοὺσ συνωμότασ τοῦ Κύλωνοσ ἱκετεύοντασ τὴν θεὸν Μεγακλῆσ ὁ ἄρχων ἐπὶ δίκῃ κατελθεῖν ἔπεισεν· ἐξάψαντασ δὲ τοῦ ἕδουσ κρόκην κλωστὴν καὶ ταύτησ ἐχομένουσ, ὡσ ἐγένοντο περὶ τὰσ σεμνὰσ θεὰσ καταβαίνοντεσ, αὐτομάτωσ τῆσ κρόκησ ῥαγείσησ, ὡρ́μησε συλλαμβάνειν ὁ Μεγακλῆσ καὶ οἱ συνάρχοντεσ, ὡσ τῆσ θεοῦ τὴν ἱκεσίαν ἀπολεγομένησ· καὶ τοὺσ μὲν ἔξω κατέλευσαν, οἱ δὲ τοῖσ βωμοῖσ προσφυγόντεσ ἀπεσφάγησαν· μόνοι δ’ ἀφείθησαν οἱ τὰσ γυναῖκασ αὐτῶν ἱκετεύσαντεσ. ἐκ τούτου δὲ κληθέντεσ ἐναγεῖσ ἐμισοῦντο·

καὶ τῶν Κυλωνείων οἱ περιγενόμενοι πάλιν ἦσαν ἰσχυροί, καὶ στασιάζοντεσ ἀεὶ διετέλουν πρὸσ τοὺσ ἀπὸ τοῦ Μεγακλέουσ. ἐν δὲ τῷ τότε χρόνῳ τῆσ στάσεωσ ἀκμὴν λαβούσησ μάλιστα καὶ τοῦ δήμου διαστάντοσ, ἤδη δόξαν ἔχων ὁ Σόλων παρῆλθεν εἰσ μέσον ἅμα τοῖσ ἀρίστοισ τῶν Ἀθηναίων, καὶ δεόμενοσ καὶ διδάσκων ἔπεισε τοὺσ ἐναγεῖσ λεγομένουσ δίκην ὑποσχεῖν καὶ κριθῆναι τριακοσίων ἀριστίνδην δικαζόντων. Μύρωνοσ δὲ τοῦ Φλυέωσ κατηγοροῦντοσ ἑάλωσαν οἱ ἄνδρεσ, καὶ μετέστησαν οἱ ζῶντεσ·

τῶν δ’ ἀποθανόντων τοὺσ νεκροὺσ ἀνορύξαντεσ ἐξέρριψαν ὑπὲρ τοὺσ ὁρ́ουσ. ταύταισ δὲ ταῖσ ταραχαῖσ καὶ Μεγαρέων συνεπιθεμένων ἀπέβαλόν τε Νίσαιαν οἱ Ἀθηναῖοι καὶ Σαλαμῖνοσ ἐξέπεσον αὖθισ. καὶ φόβοι τινὲσ ἐκ δεισιδαιμονίασ ἅμα καὶ φάσματα κατεῖχε τὴν πόλιν, οἵ τε μάντεισ ἄγη καὶ μιασμοὺσ δεομένουσ καθαρμῶν προφαίνεσθαι διὰ τῶν ἱερῶν ἠγόρευον. οὕτω δὴ μετάπεμπτοσ αὐτοῖσ ἧκεν ἐκ Κρήτησ Ἐπιμενίδησ ὁ Φαίστιοσ, ὃν ἕβδομον ἐν τοῖσ σοφοῖσ καταριθμοῦσιν ἔνιοι τῶν οὐ προσιεμένων τὸν Περίανδρον.

ἐδόκει δέ τισ εἶναι θεοφιλὴσ καὶ σοφὸσ περὶ τὰ θεῖα τὴν ἐνθουσιαστικὴν καὶ τελεστικὴν σοφίαν, διὸ καὶ παῖδα νύμφησ ὄνομα Βάλτησ καὶ Κούρητα νέον αὐτὸν οἱ τότε ἄνθρωποι προσηγόρευον. ἐλθὼν δὲ καὶ τῷ Σόλωνι χρησάμενοσ φίλῳ πολλὰ προσυπειργάσατο καὶ προωδοποίησεν αὐτῷ τῆσ νομοθεσίασ. καὶ γὰρ εὐσταλεῖσ ἐποίησε τὰσ ἱερουργίασ καὶ περὶ τὰ πένθη πρᾳοτέρουσ, θυσίασ τινὰσ εὐθὺσ ἀναμίξασ πρὸσ τὰ κήδη, καὶ τὸ σκληρὸν ἀφελὼν καὶ τὸ βαρβαρικὸν ᾧ συνείχοντο πρότερον αἱ πλεῖσται γυναῖκεσ.

τὸ δὲ μέγιστον, ἱλασμοῖσ τισι καὶ καθαρμοῖσ καὶ ἱδρύσεσι κατοργιάσασ καὶ καθοσιώσασ τὴν πόλιν ὑπήκοον τοῦ δικαίου καὶ μᾶλλον εὐπειθῆ πρὸσ ὁμόνοιαν κατέστησε. λέγεται δὲ τὴν Μουνυχίαν ἰδὼν καὶ καταμαθὼν πολὺν χρόνον, εἰπεῖν πρὸσ τοὺσ παρόντασ ὡσ τυφλόν ἐστι τοῦ μέλλοντοσ ἄνθρωποσ· ἐκφαγεῖν γὰρ ἂν Ἀθηναίουσ τοῖσ αὑτῶν ὀδοῦσιν, εἰ προῄδεσαν ὅσα τὴν πόλιν ἀνιάσει τὸ χωρίον·

ὅμοιον δέ τι καὶ Θαλῆν εἰκάσαι λέγουσι· κελεῦσαι γὰρ αὐτὸν ἔν τινι τόπῳ τῆσ Μιλησίασ φαύλῳ καὶ παρορωμένῳ τελευτήσαντα θεῖναι, προειπὼν ὡσ ἀγορά ποτε τοῦτο Μιλησίων ἔσται τὸ χωρίον. Ἐπιμενίδησ μὲν οὖν μάλιστα θαυμασθείσ, καὶ χρήματα διδόντων πολλὰ καὶ τιμὰσ μεγάλασ τῶν Ἀθηναίων, οὐδὲν ἢ θαλλὸν ἀπὸ τῆσ ἱερᾶσ ἐλαίασ αἰτησάμενοσ καὶ λαβὼν ἀπῆλθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Σόλων, chapter 12

(플루타르코스, Σόλων, chapter 12)

상위

목록

SEARCH

MENU NAVIGATION