Plutarch, chapter 7 6:

γοναὶ μὲν γὰρ ἡμῶν ἀπόρρητοι λέγονται, τροφαὶ δὲ καὶ τιθηνήσεισ ἀτοπώτεραι νεογνῶν, οἷσ ἐρρίφημεν οἰωνοῖσ καὶ θηρίοισ, ὑπὸ τούτων τρεφόμενοι, μαστῷ λυκαίνησ καὶ δρυοκολάπτου ψωμίσμασιν, ἐν σκάφῃ τινὶ κείμενοι παρὰ τὸν μέγαν ποταμόν. ἔστι δ’ ἡ σκάφη καὶ σῴζεται, χαλκοῖσ ὑποζώσμασι γραμμάτων ἀμυδρῶν ἐγκεχαραγμένων, ἃ γένοιτ’ ἂν ὕστερον ἴσωσ ἀνωφελῆ γνωρίσματα τοῖσ τοκεῦσιν ἡμῶν ἀπολομένων.