Plutarch, chapter 19 1:

(플루타르코스, chapter 19 1:)

"τὴν περὶ τὰ ὄμματα τύχην ἀνιαρῶσ ἔφερον, ὦ Ῥωμαῖοι, νῦν δὲ ἄχθομαι πρὸσ τῷ τυφλὸσ εἶναι μὴ καὶ κωφὸσ ὤν, ἀλλ’ ἀκούων αἰσχρὰ βουλεύματα καὶ δόγματα ὑμῶν ἀνατρέ ποντα τῆσ Ῥώμησ τὸ κλέοσ, ποῦ γὰρ ὑμῶν ὁ πρόσ ἅπαντασ ἀνθρώπουσ θρυλούμενοσ ἀεὶ λόγοσ, ὡσ, εἰ παρῆν ἐκεῖνοσ εἰσ Ἰταλίαν ὁ μέγασ Ἀλέξανδροσ καὶ συνηνέχθη νέοισ ἡμῖν καὶ τοῖσ πατράσιν ἡμῶν ἀκμάζουσιν, οὐκ ἂν ὑμνεῖτο νῦν ἀνίκητοσ, ἀλλ’ ἢ φυγὼν ἂν ἤ ποῦ πεσὼν ἐνταῦθα τὴν Ῥώμην ἐνδοξοτέραν ἀπέλιπε; "ταῦτα μέντοι κενὴν ἀλαζονείαν καὶ κόμπον ἀποδείκνυτε, Χάονασ καὶ Μολοσσούσ, τὴν ἀεὶ Μακεδόνων λείαν, δεδιότεσ, καὶ τρέμοντεσ Πύρρον, ὃσ τῶν Ἀλεξάνδρου δορυφόρων ἕνα γοῦν ἀεὶ περιέπων καὶ θεραπεύων διατετέλεκε, καὶ νῦν οὐ βοηθῶν τοῖσ ἐνταῦθα μᾶλλον Ἕλλησιν ἢ φεύγων τοὺσ ἐκεῖ πολεμίουσ πλανᾶται περὶ τὴν Ἰταλίαν, ἐπαγγελλόμενοσ ἡμῖν τὴν ἡγεμονίαν ἀπὸ ταύτησ τῆσ δυνάμεωσ ἣ μέροσ μικρὸν αὐτῷ Μακεδονίασ οὐκ ἤρκεσε διαφυλάξαι , μὴ τοῦτον οὖν ἀπαλλάξειν νομίζετε ποιησάμενοι φίλον, ἀλλὰ ἐκείνουσ ἐπάξεσθαι καταφρονήσαντασ ὑμῶν ὡσ πᾶσιν εὐκατεργάστων, εἰ Πύρροσ ἄπεισι μὴ δοὺσ δίκην ὧν ὕβρισεν, ἀλλὰ καὶ προσλαβὼν μισθὸν τό ἐπεγγελάσαι Ῥωμαίοισ Ταραντίνουσ καὶ Σαυνίτασ.

일치하는 문장이 없습니다.

SEARCH

MENU NAVIGATION