호흡부호 보기
강세부호 보기
장단부호 보기
작은 Iota 보기
모든 부호 보기
μετὰ δὲ ταῦτα Σαβίνων ἐμβαλόντων εἰσ τὴν χώραν ὕπατοσ μὲν ἀπεδείχθη Μᾶρκοσ Οὐαλλέριοσ, ἀδελφὸσ Ποπλικόλα, καὶ Ποστούμιοσ Τούβερτοσ. πραττομένων δὲ τῶν μεγίστων γνώμῃ καὶ παρουσίᾳ Ποπλικόλα δυσὶ μάχαισ μεγάλαισ ὁ Μᾶρκοσ ἐνίκησεν, ὧν ἐν τῇ δευτέρᾳ μηδένα Ῥωμαίων ἀποβαλὼν τρισχιλίουσ ἐπὶ μυρίοισ τῶν πολεμίων ἀνεῖλε. καὶ γέρασ ἔσχεν ἐπὶ τοῖσ θριάμβοισ οἰκίαν αὐτῷ γενέσθαι δημοσίοισ ἀναλώμασιν ἐν Παλατίῳ.
τῶν δ’ ἄλλων τότε θυρῶν εἴσω τῆσ οἰκίασ εἰσ τὸ κλεισίον ἀνοιγομένων, ἐκείνησ μόνησ τῆσ οἰκίασ ἐποίησαν ἐκτὸσ ἀπάγεσθαι τὴν αὔλειον, ὡσ δὴ κατὰ τὸ συγχώρημα τῆσ τιμῆσ ἀεὶ τοῦ δημοσίου προσεπιλαμβάνοι. τὰσ δ’ Ἑλληνικὰσ πρότερον οὕτωσ ἔχειν ἁπάσασ λέγουσιν, ἀπὸ τῶν κωμῳδιῶν λαμβάνοντεσ, ὅτι κόπτουσι καὶ ψοφοῦσι τὰσ αὑτῶν θύρασ ἔνδοθεν οἱ προϊέναι μέλλοντεσ, ὅπωσ αἴσθησισ ἔξω γένοιτο τοῖσ παρερχομένοισ ἢ προεστῶσι καὶ μὴ καταλαμβάνοιντο προϊούσαισ ταῖσ κλεισιάσιν εἰσ τὸν στενωπόν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기