헬라어 문장 검색 - Πλυταρ́Πυβλιξό14́

(플루타르코스, Publicola, chapter 14)

τὸν δὲ νεὼν τοῦ Καπιτωλίου Διὸσ εὔξατο μὲν ἀναθήσειν Ταρκύνιοσ ὁ Δημαράτου πολεμῶν Σαβίνοισ, ᾠκοδόμησε δὲ Ταρκύνιοσ ὁ Σούπερβοσ υἱὸσ ὢν ἢ υἱωνὸσ τοῦ εὐξαμένου· καθιερῶσαι δὲ οὐκ ἔφθασεν, ἀλλὰ μικρὸν ἀπελείπετο τοῦ τέλοσ ἔχειν ὅτε Ταρκύνιοσ ἐξέπιπτεν. ὡσ οὖν ἀπείργαστο τελέωσ καὶ τὸν προσήκοντα κόσμον ἀπεῖχεν, ἦν τῷ Ποπλικόλᾳ φιλοτιμία πρὸσ τὴν καθιέρωσιν. ἐφθόνουν δὲ πολλοὶ τῶν δυνατῶν, καὶ ἤχθοντο ταῖσ μὲν ἄλλαισ τιμαῖσ ἧττον, ἃσ νομοθετῶν καὶ στρατηγῶν ἐκ προσηκόντων ἔσχε·

ταύτην δ’ οὖσαν ἀλλοτρίαν οὐκ ᾤοντο δεῖν αὐτῷ προσγενέσθαι, καὶ τὸν Ὡράτιον προετρέποντο καὶ παρώξυνον ἀντιποιεῖσθαι τῆσ καθιερώσεωσ. γενομένησ οὖν τῷ Ποπλικόλᾳ στρατείασ ἀναγκαίασ, ψηφισάμενοι τὸν Ὡράτιον καθιεροῦν ἀνῆγον εἰσ τὸ Καπιτώλιον, ὡσ οὐκ ἂν ἐκείνου περιγενόμενοι παρόντοσ. ἔνιοι δέ φασι κλήρῳ τῶν ὑπάτων λαχεῖν ἐκεῖνον ἐπὶ τὴν στρατείαν ἄκοντα, τοῦτον δὲ ἐπὶ τὴν καθιέρωσιν.

ἔξεστι δὲ περὶ τούτων ὡσ ἔσχεν εἰκάζειν τοῖσ πραχθεῖσι περὶ τὴν καθιέρωσιν. εἰδοῖσ οὖν Σεπτεμβρίαισ, ὃ συντυγχάνει περὶ τὴν πανσέληνον μάλιστα τοῦ Μεταγειτνιῶνοσ, συνηθροισμένων ἁπάντων εἰσ τὸ Καπιτώλιον, ὁ μὲν Ὡράτιοσ σιωπῆσ γενομένησ τά τ’ ἄλλα δράσασ καὶ τῶν θυρῶν ἁψάμενοσ, ὥσπερ ἔθοσ ἐστίν, ἐπεφθέγγετο τὰσ νενομισμένασ ἐπὶ τῇ καθιερώσει φωνάσ· "ὁ υἱόσ σου τέθνηκεν ἐν τῷ στρατοπέδῳ νοσήσασ.

ἐπέραινε τὴν λοιπὴν καθιέρωσιν.

ἦν δὲ τὸ προσηγγελμένον οὐκ ἀληθέσ, ἀλλ’ ὁ Μᾶρκοσ ὡσ ἀποστήσων τὸν Ὡράτιον ἐψεύσατο. θαυμαστὸσ οὖν ὁ ἀνὴρ τῆσ εὐσταθείασ, εἴτε τὴν ἀπάτην ἐν καιρῷ βραχεῖ συνεῖδεν εἴτε πιστευθεὶσ ὁ λόγοσ οὐκ ἐκίνησεν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Publicola, chapter 14

(플루타르코스, Publicola, chapter 14)

상위

목록

SEARCH

MENU NAVIGATION