헬라어 문장 검색 - Πλυταρ́Πυβλιξό05́

(플루타르코스, Publicola, chapter 5)

ὡσ οὖν ἀνέβη πρὸσ αὐτὸν ὁ Οὐινδίκιοσ καὶ κατεῖπε πάντα, Μάρκου τε τοῦ ἀδελφοῦ παρόντοσ αὐτῷ μόνου καὶ τῆσ γυναικόσ, ἐκπλαγεὶσ καὶ δείσασ ὁ Οὐαλλέριοσ οὐκέτι προήκατο τὸν ἄνθρωπον, ἀλλὰ κατακλείσασ εἰσ τὸ οἴκημα καὶ φύλακα τὴν ἑαυτοῦ γυναῖκα ταῖσ θύραισ ἐπιστήσασ, τὸν μὲν ἀδελφὸν ἐκέλευσε τὴν βασιλικὴν ἔπαυλιν περισχόντα τὰ γράμματα λαβεῖν, ἂν δυνατὸν ᾖ, καὶ τοὺσ οἰκέτασ παραφυλάττειν αὐτὸσ δὲ πελατῶν τε πολλῶν καὶ φίλων ἀεὶ περὶ αὐτὸν ὄντων καὶ θεραπείασ συχνῆσ, ἐβάδιζε πρὸσ τὴν οἰκίαν τῶν Ἀκυλλίων οὐκ ἔνδον ὄντων διὸ μηδενὸσ ἂν προσδοκήσαντοσ ὠσάμενοσ διὰ θυρῶν ἐπιτυγχάνει τοῖσ γράμμασι κειμένοισ ὅπου κατέλυον οἱ πρέσβεισ, ταῦτα δ’ αὐτοῦ πράττοντοσ οἱ Ἀκύλλιοι δρόμῳ προσεφέροντο, καὶ περὶ τὰσ θύρασ συμμίξαντεσ ἐζήτουν ἀφελέσθαι τὰσ ἐπιστολάσ. οἱ δ’ ἠμύνοντο, καὶ τὰ ἱμάτια περιβαλόντεσ αὐτῶν τοῖσ τραχήλοισ ὑπὸ βίασ καὶ μόλισ ὠθούμενοι καὶ ὠθοῦντεσ διὰ τῶν στενωπῶν εἰσ τὴν ἀγορὰν ἐνέβαλον. τὰ δ’ αὐτὰ καὶ περὶ τὴν ἔπαυλιν ἅμα τὴν βασιλικὴν ἐγίνετο, τοῦ Μάρκου γραμμάτων ἑτέρων ἐν τοῖσ σκεύεσι κομιζομένων ἐπιλαμβανομένου, καὶ τῶν βασιλικῶν ὅσουσ δυνατὸσ ἦν ἕλκοντοσ εἰσ τὴν ἀγοράν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Publicola, chapter 5

(플루타르코스, Publicola, chapter 5)

상위

목록

SEARCH

MENU NAVIGATION