Plutarch, Parallela minora, section 16

(플루타르코스, Parallela minora, section 16)

Τεγεάταισ καὶ Φενεάταισ χρονίου πολέμου γενομένου, ἔδοξε τριδύμουσ ἀδελφοὺσ πέμψαι τοὺσ μαχησομένουσ περὶ τῆσ νίκησ. καὶ Τεγεᾶται μὲν οὖν τοὺσ Ῥηξιμάχου παῖδασ, Φενεᾶται δὲ τοὺσ Δημοστράτου προεβάλλοντο. συμβληθείσησ δὲ τῆσ μάχησ, ἐφονεύθησαν τῶν Ῥηξιμάχου δύο· ὁ δὲ τρίτοσ τοὔνομα α Κριτόλαοσ στρατηγήματι περιεγένετο τῶν δύο· προσποιητὴν γὰρ φυγὴν σκηψάμενοσ καθ’ ἕνα τῶν διωκόντων ἀνεῖλε. καὶ ἐλθόντοσ οἱ μὲν ἄλλοι συνεχάρησαν, μόνη δ’ οὐκ ἐχάρη ἡ ἀδελφὴ ̓ Δημοδίκη· πεφονεύκει γὰρ αὐτῆσ τὸν κατηγγυημένον ἄνδρα Δημόδικον. ἀναξιοπαθήσασ δὲ ὁ Κριτόλαοσ ἀνεῖλεν αὐτήν. φόνου δ’ ἀγόμενοσ ὑπὸ τῆσ μητρὸσ ἀπελύθη τοῦ ἐγκλήματοσ· ὡσ Δημάρατοσ ἐν δευτέρῳ Ἀρκαδικῶν.

Ῥωμαῖοι καὶ Ἀλβανοὶ πολεμοῦντεσ τριδύμουσ προμάχουσ εἵλοντο, καὶ Ἀλβανοὶ μὲν Κουριατίουσ, Ῥωμαῖοι δὲ Ὡρατίουσ. συμβληθείσησ δὲ τῆσ μάχησ, οἱ Κουριάτιοι δύο τῶν ἐναντίων ἀνεῖλον ὁ δὲ περίλοιποσ φυγῇ προσποιητῇ συμμάχῳ χρώμενοσ ἐφόνευσε καθ’ ἕνα τῶν ἐπιδιωκόντων. χαρέντων δὲ πάντων, μόνη ἡ ἀδελφὴ οὐ συνεχάρη Ὡρατία τὸν κατηγγυημένον ἄνδρα Κουριάτιον ἀνῃρηκότι· ὁ δὲ ἐφόνευσε τὴν ἀδελφήν· Ἀριστείδησ ὁ Μιλήσιοσ ἐν Ἰταλικοῖσ.

일치하는 문장이 없습니다.

SEARCH

MENU NAVIGATION