Plutarch, Parallela minora, section 5 1:

(플루타르코스, Parallela minora, section 5 1:)

Ἄγχουροσ δ’ υἱὸσ τοῦ Μίδα λογισάμενοσ μηδὲν εἶναι τιμιώτερον ἐν βίῳ ψυχῆσ ἀνθρωπίνησ, δοὺσ περιπλοκὰσ τῷ γεννήσαντι καὶ τῇ γυναικὶ Τιμοθέᾳ, ἔφιπποσ εἰσ τὸν τόπον τοῦ χάσματοσ ἠνέχθη. συνελθούσησ δὲ τῆσ γῆσ χρύσεον βωμὸν ἐποίησεν Ἰδαίου Διὸσ ἁψάμενοσ τῇ χειρί. οὗτοσ ὁ βωμὸσ περὶ ἐκεῖνον τὸν καιρόν ᾧ τὸ χάσμα συνέβη γενέσθαι. , λίθινοσ γίγνεται· τῆσ δὲ ὡρισμένησ προθεσμίασ παρελθούσησ, χρύσεοσ ὁρᾶται· ὡσ Καλλισθένησ ἐν δευτέρῳ Μεταμορφώσεων. διά μέσησ τῆσ ἀγορᾶσ ῥέων ὁ Τίβερισ διὰ μῆνιν Ταρπηίου Διὸσ μέγιστον ἀπέρρηξε χάσμα καὶ πολλὰσ οἰκίασ ἐβύθισε· χρησμὸσ δ’ ἐδόθη λήξεσθαι, ἐὰν τὸ τίμιον ἐμβάλωσι. τῶν δὲ χρυσὸν καὶ ἄργυρον ἐμβαλλόντων, Κούρτιοσ τῶν ἐπισήμων νέοσ τὸν χρησμὸν νοήσασ καὶ λογισάμενοσ τὴν ψυχὴν τιμιωτέραν, ἔφιππον ἑαυτὸν ἔρριψεν εἰσ τὸ χάσμα καὶ τοὺσ οἰκείουσ ἐξέσῳσε τῶν κακῶν·

SEARCH

MENU NAVIGATION