호흡부호 보기
강세부호 보기
장단부호 보기
작은 Iota 보기
모든 부호 보기
Δάτισ ὁ Περσῶν σατράπησ μετὰ τριάκοντα μυριάδων εἰσ Μαραθῶνα παραγενόμενοσ, πεδίον τῆσ Ἀττικῆσ, καὶ στρατοπεδευσάμενοσ πόλεμον τοῖσ ἐγχωρίοισ κατήγγειλεν· Ἀθηναῖοι δὲ τοῦ βαρβαρικοῦ πλήθουσ καταφρονήσαντεσ ἐνακισχιλίουσ ἔπεμψαν, στρατηγοὺσ ποιήσαντεσ Κυνέγειρον Πολύζηλον Καλλίμαχον Μιλτιάδην. συμβληθείσησ δὲ τῆσ παρατάξεωσ, Πολύζηλοσ μὲν ὑπεράνθρωπον φαντασίαν θεασάμενοσ τὴν ὁρ́ασιν ἀπέβαλε καὶ τυφλὸσ ἐγένετο· Καλλίμαχοσ δὲ πολλοῖσ περιπεπαρμένοσ δόρασι καὶ νεκρὸσ ἐστάθη· Κυνέγειροσ δὲ Περσικὴν ἀναγομένην ναῦν κατασχὼν ἐχειροκοπήθη. Ἀσδρούβασ βασιλεὺσ Σικελίαν καταλαβόμενοσ πόλεμον Ῥωμαίοισ κατήγγειλε· Μέτελλοσ δὲ ὑπὸ τῆσ συγκλήτου στρατηγὸσ χειροτονηθεὶσ ἐγκρατὴσ ἐγένετο τῆσ νίκησ ταύτησ, ἐν ᾗ Λεύκιοσ Γλαύκων εὐγενὴσ ἀνήρ, τὴν Ἀσδρούβα κατέχων ναῦν, ἀμφοτέρασ ἀπέβαλε τὰσ χεῖρασ· Ἀριστείδησ Μιλήσιοσ ἐν πρώτῃ Σικελικῶν, παρ’ οὗ τὴν ὑπόθεσιν ἔμαθε Διονύσιοσ ὁ Σικελιώτησ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기