호흡부호 보기
강세부호 보기
장단부호 보기
작은 Iota 보기
모든 부호 보기
ὁ δὲ Λύσανδροσ ἀπὸ τούτων γενόμενοσ, αὐτὸσ μὲν ἐπὶ Θρᾴκησ ἐξέπλευσε, τῶν δὲ χρημάτων τὰ περιόντα καὶ ὅσασ δωρεὰσ αὐτὸσ ἢ στεφάνουσ ἐδέξατο, πολλῶν, ὡσ εἰκόσ, διδόντων ἀνδρὶ δυνατωτάτῳ καὶ τρόπον τινὰ κυρίῳ τῆσ Ἑλλάδοσ, ἀπέστειλεν εἰσ Λακεδαίμονα διὰ Γυλίππου τοῦ στρατηγήσαντοσ περὶ Σικελίαν. ὁ δέ, ὡσ λέγεται, τὰσ ῥαφὰσ τῶν ἀγγείων κάτωθεν ἀναλύσασ καὶ ἀφελὼν συχνὸν ἀργύριον ἐξ ἑκάστου πάλιν συνέρραψεν, ἀγνοήσασ ὅτι γραμματίδιον ἐνῆν ἑκάστῳ τὸν ἀριθμὸν σημαῖνον. ἐλθὼν δὲ εἰσ Σπάρτην ἃ μὲν ὑφῄρητο κατέκρυψεν ὑπὸ τὸν κέραμον τῆσ οἰκίασ, τὰ δὲ ἀγγεῖα παρέδωκε τοῖσ ἐφόροισ καὶ τὰσ σφραγῖδασ ἐπέδειξεν.
ἐπεὶ δὲ ἀνοιξάντων καὶ ἀριθμούντων διεφώνει πρὸσ τὰ γράμματα τὸ πλῆθοσ τοῦ ἀργυρίου καὶ παρεῖχε τοῖσ ἐφόροισ ἀπορίαν τὸ πρᾶγμα, φράζει θεράπων τοῦ Γυλίππου πρὸσ αὐτοὺσ αἰνιξάμενοσ ὑπὸ τῷ κεραμικῷ κοιτάζεσθαι πολλὰσ γλαῦκασ. ἦν γάρ, ὡσ ἐοίκε, τὸ χάραγμα τοῦ πλείστου τότε νομίσματοσ διὰ τοὺσ Ἀθηναίουσ γλαῦκεσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기