호흡부호 보기
강세부호 보기
장단부호 보기
작은 Iota 보기
모든 부호 보기
ὁ δ’ οὖν Λύσανδροσ, ὡσ παρέλαβε τάσ τε ναῦσ ἁπάσασ πλὴν δώδεκα καὶ τὰ τείχη τῶν Ἀθηναίων, ἕκτῃ ἐπὶ δεκάτῃ Μουνυχιῶνοσ μηνόσ, ἐν ᾗ καὶ τὴν ἐν Σαλαμῖνι ναυμαχίαν ἐνίκων τὸν βάρβαρον, ἐβούλευσεν εὐθὺσ καὶ τὴν πολιτείαν μεταστῆσαι. δυσπειθῶσ δὲ καὶ τραχέωσ φερόντων, ἀποστείλασ πρὸσ τὸν δῆμον ἔφη τὴν πόλιν εἰληφέναι παρασπονδοῦσαν·
ἑστάναι γὰρ τὰ τείχη τῶν ἡμερῶν ἐν αἷσ ἔδει καθῃρῆσθαι παρῳχημένων. ἑτέραν οὖν ἐξ ἀρχῆσ προθήσειν γνώμην περὶ αὐτῶν ὡσ τὰσ ὁμολογίασ λελυκότων. ἔνιοι δὲ καὶ προτεθῆναί φασιν ὡσ ἀληθῶσ ὑπὲρ ἀνδραποδισμοῦ γνώμην ἐν τοῖσ συμμάχοισ, ὅτε καὶ τὸν Θηβαῖον Ἐρίανθον εἰσηγήσασθαι τὸ μὲν ἄστυ κατασκάψαι, τὴν δὲ χώραν ἀνεῖναι μηλόβοτον. εἶτα μέντοι συνουσίασ γενομένησ τῶν ἡγεμόνων παρὰ πότον, καί τινοσ Φωκέωσ ᾄσαντοσ ἐκ τῆσ Εὐριπίδου Ἠλέκτρασ τὴν πάροδον ἧσ ἡ ἀρχή Ἀγαμέμνονοσ ὦ κόρα, ἤλυθον, Ἠλέκτρα, ποτὶ σὰν ἀγρότειραν αὐλάν, πάντασ ἐπικλασθῆναι, καὶ φανῆναι σχέτλιον ἔργον τὴν οὕτωσ εὐκλεᾶ καὶ τοιούτουσ ἄνδρασ φέρουσαν ἀνελεῖν καὶ διεργάσασθαι πόλιν.
ὁ δ’ οὖν Λύσανδροσ ἐνδόντων τῶν Ἀθηναίων πρὸσ ἅπαντα, πολλὰσ μὲν ἐξ ἄστεοσ μεταπεμψάμενοσ αὐλητρίδασ, πάσασ δὲ τὰσ ἐν τῷ στρατοπέδῳ συναγαγών, τὰ τείχη κατέσκαπτε καὶ τὰσ τριήρεισ κατέφλεγε πρὸσ τὸν αὐλόν, ἐστεφανωμένων καὶ παιζόντων ἅμα τῶν συμμάχων, ὡσ ἐκείνην τὴν ἡμέραν ἄρχουσαν τῆσ ἐλευθερίασ.
εὐθὺσ δὲ καὶ τὰ περὶ τὴν πολιτείαν ἐκίνησε, τριάκοντα μὲν ἐν ἄστει, δέκα δὲ ἐν Πειραιεῖ καταστήσασ ἄρχοντασ, ἐμβαλὼν δὲ φρουρὰν εἰσ τὴν ἀκρόπολιν, καὶ Καλλίβιον ἁρμοστήν, ἄνδρα Σπαρτιάτην, ἐπιστήσασ. ἐπεὶ δὲ οὗτοσ Αὐτόλυκον τὸν ἀθλητήν, ἐφ’ ᾧ τὸ συμπόσιον ὁ Ξενοφῶν πεποίηκε, τὴν βακτηρίαν διαράμενοσ παίσειν ἔμελλεν, ὁ δὲ τῶν σκελῶν συναράμενοσ ἀνέτρεψεν αὐτόν, οὐ συνηγανάκτησεν ὁ Λύσανδροσ, ἀλλὰ καὶ συνεπετίμησε, φήσασ αὐτὸν οὐκ ἐπίστασθαι ἐλευθέρων ἄρχειν.
ἀλλὰ τὸν μὲν Αὐτόλυκον οἱ τριάκοντα τῷ Καλλιβίῳ χαριζόμενοι μικρὸν ὕστερον ἀνεῖλον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기