헬라어 문장 검색 - Πλυταρ́Λψσανδέ15́

(플루타르코스, Λύσανδρος, chapter 15)

ὁ δ’ οὖν Λύσανδροσ, ὡσ παρέλαβε τάσ τε ναῦσ ἁπάσασ πλὴν δώδεκα καὶ τὰ τείχη τῶν Ἀθηναίων, ἕκτῃ ἐπὶ δεκάτῃ Μουνυχιῶνοσ μηνόσ, ἐν ᾗ καὶ τὴν ἐν Σαλαμῖνι ναυμαχίαν ἐνίκων τὸν βάρβαρον, ἐβούλευσεν εὐθὺσ καὶ τὴν πολιτείαν μεταστῆσαι. δυσπειθῶσ δὲ καὶ τραχέωσ φερόντων, ἀποστείλασ πρὸσ τὸν δῆμον ἔφη τὴν πόλιν εἰληφέναι παρασπονδοῦσαν·

ἑστάναι γὰρ τὰ τείχη τῶν ἡμερῶν ἐν αἷσ ἔδει καθῃρῆσθαι παρῳχημένων. ἑτέραν οὖν ἐξ ἀρχῆσ προθήσειν γνώμην περὶ αὐτῶν ὡσ τὰσ ὁμολογίασ λελυκότων. ἔνιοι δὲ καὶ προτεθῆναί φασιν ὡσ ἀληθῶσ ὑπὲρ ἀνδραποδισμοῦ γνώμην ἐν τοῖσ συμμάχοισ, ὅτε καὶ τὸν Θηβαῖον Ἐρίανθον εἰσηγήσασθαι τὸ μὲν ἄστυ κατασκάψαι, τὴν δὲ χώραν ἀνεῖναι μηλόβοτον. εἶτα μέντοι συνουσίασ γενομένησ τῶν ἡγεμόνων παρὰ πότον, καί τινοσ Φωκέωσ ᾄσαντοσ ἐκ τῆσ Εὐριπίδου Ἠλέκτρασ τὴν πάροδον ἧσ ἡ ἀρχή Ἀγαμέμνονοσ ὦ κόρα, ἤλυθον, Ἠλέκτρα, ποτὶ σὰν ἀγρότειραν αὐλάν, πάντασ ἐπικλασθῆναι, καὶ φανῆναι σχέτλιον ἔργον τὴν οὕτωσ εὐκλεᾶ καὶ τοιούτουσ ἄνδρασ φέρουσαν ἀνελεῖν καὶ διεργάσασθαι πόλιν.

ὁ δ’ οὖν Λύσανδροσ ἐνδόντων τῶν Ἀθηναίων πρὸσ ἅπαντα, πολλὰσ μὲν ἐξ ἄστεοσ μεταπεμψάμενοσ αὐλητρίδασ, πάσασ δὲ τὰσ ἐν τῷ στρατοπέδῳ συναγαγών, τὰ τείχη κατέσκαπτε καὶ τὰσ τριήρεισ κατέφλεγε πρὸσ τὸν αὐλόν, ἐστεφανωμένων καὶ παιζόντων ἅμα τῶν συμμάχων, ὡσ ἐκείνην τὴν ἡμέραν ἄρχουσαν τῆσ ἐλευθερίασ.

εὐθὺσ δὲ καὶ τὰ περὶ τὴν πολιτείαν ἐκίνησε, τριάκοντα μὲν ἐν ἄστει, δέκα δὲ ἐν Πειραιεῖ καταστήσασ ἄρχοντασ, ἐμβαλὼν δὲ φρουρὰν εἰσ τὴν ἀκρόπολιν, καὶ Καλλίβιον ἁρμοστήν, ἄνδρα Σπαρτιάτην, ἐπιστήσασ. ἐπεὶ δὲ οὗτοσ Αὐτόλυκον τὸν ἀθλητήν, ἐφ’ ᾧ τὸ συμπόσιον ὁ Ξενοφῶν πεποίηκε, τὴν βακτηρίαν διαράμενοσ παίσειν ἔμελλεν, ὁ δὲ τῶν σκελῶν συναράμενοσ ἀνέτρεψεν αὐτόν, οὐ συνηγανάκτησεν ὁ Λύσανδροσ, ἀλλὰ καὶ συνεπετίμησε, φήσασ αὐτὸν οὐκ ἐπίστασθαι ἐλευθέρων ἄρχειν.

ἀλλὰ τὸν μὲν Αὐτόλυκον οἱ τριάκοντα τῷ Καλλιβίῳ χαριζόμενοι μικρὸν ὕστερον ἀνεῖλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Λύσανδρος, chapter 15

(플루타르코스, Λύσανδρος, chapter 15)

상위

목록

SEARCH

MENU NAVIGATION