Plutarch, Λύσανδρος, chapter 13

(플루타르코스, Λύσανδρος, chapter 13)

ὁ δὲ Λύσανδροσ, ἐπεὶ τῶν τρισχιλίων Ἀθηναίων, οὓσ ἔλαβεν αἰχμαλώτουσ, ὑπὸ τῶν συνέδρων θάνατοσ κατέγνωστο, καλέσασ Φιλοκλέα τὸν στρατηγὸν αὐτῶν ἠρώτησεν τίνα τιμᾶται δίκην ἑαυτῷ τοιαῦτα περὶ Ἑλλήνων συμβεβουλευκὼσ λευκὼσ τοῖσ πολίταισ. ὁ δὲ οὐδέν τι πρὸσ τὴν συμφορὰν ἐνδοὺσ ἐκέλευσε μὴ κατηγορεῖν ὧν οὐδείσ ἐστι δικαστήσ, ἀλλὰ νικῶντα πράττειν ἅπερ ἂν νικηθεὶσ ἔπασχεν·

εἶτα λουσάμενοσ καὶ λαβὼν χλανίδα λαμπρὰν πρῶτοσ ἐπὶ τὴν σφαγὴν ἡγεῖτο τοῖσ πολίταισ, ὡσ ἱστορεῖ Θεόφραστοσ. ἐκ δὲ τούτου πλέων ὁ Λύσανδροσ ἐπὶ τὰσ πόλεισ Ἀθηναίων μὲν οἷσ ἐπιτύχοι ἐκέλευε πάντασ εἰσ Ἀθήνασ ἀπιέναι· φείσεσθαι γὰρ οὐδενόσ, ἀλλ’ ἀποσφάξειν ὃν ἂν ἔξω λάβῃ τῆσ πόλεωσ. ταῦτα δ’ ἔπραττε καὶ συνήλαυνεν ἅπαντασ εἰσ τὸ ἄστυ βουλόμενοσ ἐν τῇ πόλει ταχὺ λιμὸν ἰσχυρὸν γενέσθαι καὶ σπάνιν, ὅπωσ μὴ πράγματα παράσχοιεν αὐτῷ τὴν πολιορκίαν εὐπόρωσ ὑπομένοντεσ.

καταλύων δὲ τοὺσ δήμουσ καὶ τὰσ ἄλλασ πολιτείασ, ἕνα μὲν ἁρμοστὴν ἑκάστῃ Λακεδαιμόνιον κατέλιπε, δέκα δὲ ἄρχοντασ ἐκ τῶν ὑπ’ αὐτοῦ συγκεκροτημένων κατὰ πόλιν ἑταιρειῶν. καὶ ταῦτα πράττων ὁμοίωσ ἔν τε ταῖσ πολεμίαισ καὶ ταῖσ συμμάχοισ γεγενημέναισ πόλεσι, παρέπλει σχολαίωσ, τρόπον τινὰ κατασκευαζόμενοσ ἑαυτῷ τὴν τῆσ Ἑλλάδοσ ἡγεμονίαν.

οὔτε γὰρ ἀριστίνδην οὔτε πλουτίνδην ἀπεδείκνυε τοὺσ ἄρχοντασ, ἀλλ’ ἑταιρείαισ καὶ ξενίαισ χαριζόμενοσ τὰ πράγματα καὶ κυρίουσ ποιῶν τιμῆσ τε καὶ κολάσεωσ, πολλαῖσ δὲ παραγινόμενοσ αὐτὸσ σφαγαῖσ καὶ συνεκβάλλων τοὺσ τῶν φίλων ἐχθρούσ, οὐκ ἐπιεικὲσ ἐδίδου τοῖσ Ἕλλησι δεῖγμα τῆσ Λακεδαιμονίων ἀρχῆσ, ἀλλὰ καὶ ὁ κωμικὸσ Θεόπομποσ ἐοίκε ληρεῖν ἀπεικάζων τοὺσ Λακεδαιμονίουσ ταῖσ καπηλίσιν, ὅτι τοὺσ Ἕλληνασ ἥδιστον ποτὸν τῆσ ἐλευθερίασ γεύσαντεσ ὄξοσ ἐνέχεαν· εὐθὺσ γὰρ ἦν τὸ γεῦμα δυσχερὲσ καὶ πικρόν, οὔτε τοὺσ δήμουσ κυρίουσ τῶν πραγμάτων ἐῶντοσ εἶναι τοῦ Λυσάνδρου, καὶ τῶν ὀλίγων τοῖσ θρασυτάτοισ καὶ φιλονεικοτάτοισ τὰσ πόλεισ ἐγχειρίζοντοσ.

SEARCH

MENU NAVIGATION