Plutarch, Λύσανδρος, chapter 3

(플루타르코스, Λύσανδρος, chapter 3)

ἐπεὶ δὲ τοῦ Πελοποννησιακοῦ πολέμου μῆκοσ λαμβάνοντοσ, καὶ μετὰ τὴν ἐν Σικελία τῶν Ἀθηναίων κακοπραγίαν αὐτίκα μὲν ἐπιδόξων ὄντων ἐκπεσεῖσθαι τῆσ θαλάττησ, οὐ πολλῷ δὲ ὕστερον ἀπαγορεύσειν παντάπασιν, Ἀλκιβιάδησ ἀπὸ τῆσ φυγῆσ ἐπιστὰσ τοῖσ πράγμασι μεγάλην μεταβολὴν ἐποίησε καὶ κατέστησε τοὺσ ναυτικοὺσ ἀγῶνασ εἰσ ἀντίπαλον αὐτοῖσ, δείσαντεσ οὖν οἱ Λακεδαιμόνιοι πάλιν καὶ γενόμενοι ταῖσ προθυμίαισ καινοὶ πρὸσ τὸν πόλεμον, ὡσ ἡγεμόνοσ τε δεινοῦ καὶ παρασκευῆσ ἐρρωμενεστέρασ δεόμενον, ἐκπέμπουσιν ἐπὶ τὴν τῆσ θαλάττησ ἡγεμονίαν Λύσανδρον. στρατόπεδον βαλόμενοσ καὶ τὰ πλοῖα πανταχόθεν ἕλκεσθαι κελεύσασ ἐκεῖ τὰ φορτηγά, καὶ ναυπηγίαν τριήρων ἐκεῖ κατασκευασάμενοσ, ταῖσ μὲν ἐμπορίαισ τοὺσ λιμένασ αὐτῶν ἀνέλαβεν, ἐργασίαισ δὲ τὴν ἀγοράν, χρηματισμῶν δὲ τοὺσ οἴκουσ καὶ τὰσ τέχνασ ἐνέπλησεν, ὥστε πρῶτον ἀπ’ ἐκείνου τοῦ χρόνου τὴν πόλιν ἐν ἐλπίδι τοῦ περὶ αὐτὴν νῦν ὄντοσ ὄγκου καὶ μεγέθουσ διὰ Λύσανδρον γενέσθαι.

SEARCH

MENU NAVIGATION