헬라어 문장 검색 - Πλυταρ́Λψξυργύ31́

(플루타르코스, Lycurgus, chapter 31)

οὐ μὴν τοῦτό γε τῷ Λυκούργῳ κεφάλαιον ἦν τότε, πλείστων ἡγουμένην ἀπολιπεῖν τὴν πόλιν ἀλλ’ ὥσπερ ἑνὸσ ἀνδρὸσ βίῳ καὶ πόλεωσ ὅλησ νομίζων εὐδαιμονίαν ἀπ’· ἀρετῆσ ἐγγίνεσθαι καὶ ὁμονοίασ τῆσ πρὸσ αὑτήν, πρὸσ τοῦτο συνέταξε καὶ συνήρμοσεν, ὅπωσ ἐλευθέριοι καὶ αὐτάρκεισ γενόμενοι καὶ σωφρονοῦντεσ ἐπὶ πλεῖστον χρόνον διατελῶσι. ταύτην καὶ Πλάτων ἔλαβε τῆσ πολιτείασ ὑπόθεσιν καὶ Διογένησ καὶ Ζήνων καὶ πάντεσ ὅσοι τι περὶ τούτων ἐπιχειρήσαντεσ εἰπεῖν ἐπαινοῦνται, γράμματα καὶ λόγουσ ἀπολιπόντεσ μόνον, ὁ δὲ οὐ γράμματα καὶ λόγουσ, ἀλλ’ ἔργῳ πολιτείαν ἀμίμητον εἰσ φῶσ προενεγκάμενοσ, καὶ τοῖσ ἀνύπαρκτον εἶναι τὴν λεγομένην περὶ τὸν σοφὸν διάθεσιν ὑπολαμβάνουσιν ἐπιδείξασ ὅλην τὴν πόλιν φιλοσοφοῦσαν, εἰκότωσ ὑπερῆρε τῇ δόξῃ τοὺσ πώποτε πολιτευσαμένουσ ἐν τοῖσ Ἕλλησι.

δι’ ὅπερ καὶ Ἀριστοτέλησ ἐλάττονασ σχεῖν φησι τιμὰσ ἢ προσῆκον ἦν αὐτὸν ἔχειν ἐν Λακεδαίμονι, καίπερ ἔχοντα τὰσ μεγίστασ.

ἱερόν τε γάρ ἐστιν αὐτοῦ, καὶ θύουσι καθ’ ἕκαστον ἐνιαυτὸν ὡσ θεῷ. λέγεται δὲ καὶ τῶν λειψάνων αὐτοῦ κομισθέντων οἴκαδε κεραυνὸν εἰσ τὸν τάφον κατασκῆψαι· τοῦτο δὲ οὐ ῥᾳδίωσ ἑτέρῳ τινὶ τῶν ἐπιφανῶν πλὴν Εὐριπίδῃ συμπεσεῖν ὕστερον, τελευτήσαντι καὶ ταφέντι τῆσ Μακεδονίασ περὶ Ἀρέθουσαν. ὥστε ἀπολόγημα καὶ μαρτύριον μέγα εἶναι τοῖσ ἀγαπῶσι τὸν Εὐριπίδην τὸ μόνῳ συμπεσεῖν αὐτῷ μετὰ τελευτὴν ἃ τῷ θεοφιλεστάτῳ καὶ ὁσιωτάτῳ πρότερον συνέπεσε. τελευτῆσαι δὲ τὸν Λυκοῦργον οἱ μὲν ἐν Κίρρᾳ λέγουσιν, Ἀπολλόθεμισ δὲ εἰσ Ἦλιν κομισθέντα, Τίμαιοσ δὲ καὶ Ἀριστόξενοσ ἐν Κρήτῃ καταβιώσαντα καὶ τάφον Ἀριστόξενοσ αὐτοῦ δείκνυσθαὶ φησιν ὑπὸ Κρητῶν τῆσ Περγαμίασ περὶ τὴν ξενικὴν ὁδόν.

υἱὸν δὲ λέγεται μονογενῆ καταλιπεῖν Ἀντίωρον οὗ τελευτήσαντοσ ἀτέκνου τὸ γένοσ ἐξέλιπεν. οἱ δ̓ ἑταῖροι καὶ οἰκεῖοι διαδοχήν τινα καὶ σύνοδον ἐπὶ πολλοὺσ χρόνουσ διαμείνασαν κατέστησαν, καὶ τὰσ ἡμέρασ ἐν αἷσ συνήρχοντο Λυκουργίδασ προσηγόρευσαν.

Ἀριστοκράτησ δὲ ὁ Ἱππάρχου φησὶ τοὺσ ξένουσ τοῦ Λυκούργου τελευτήσαντοσ ἐν Κρήτῃ καῦσαι τὸ σῶμα καὶ διασπεῖραι τὴν τέφραν εἰσ τὴν θάλατταν, αὐτοῦ δεηθέντοσ καὶ φυλαξαμένου μή ποτε ἄρα τῶν λειψάνων εἰσ Λακεδαίμονα κομισθέντων, ὡσ ἐπανήκοντοσ αὐτοῦ καὶ τῶν ὁρ́κων λελυμένων, μεταβάλωσι τὴν πολιτείαν. ταῦτα μὲν οὖν περὶ τοῦ Λυκούργου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lycurgus, chapter 31

(플루타르코스, Lycurgus, chapter 31)

상위

목록

SEARCH

MENU NAVIGATION