헬라어 문장 검색 - Πλυταρ́Λψξυργύ26́

(플루타르코스, Lycurgus, chapter 26)

τοὺσ δὲ γέροντασ αὐτὸσ μέν, ὡσ εἴρηται, κατέστησε τὸ πρῶτον ἐκ τῶν μετασχόντων τοῦ βουλεύματοσ· ὕστερον δὲ ἀντὶ τοῦ τελευτῶντοσ ἔταξε καθιστάναι τὸν ἄριστον ἀρετῇ κριθέντα τῶν ὑπὲρ ἑξήκοντα ἔτη γεγονότων, καὶ μέγιστοσ ἐδόκει τῶν ἐν ἀνθρώποισ ἀγώνων οὗτοσ εἶναι καὶ περιμαχητότατοσ· οὐ γὰρ ἐν ταχέσι τάχιστον οὐδ’ ἐν ἰσχυροῖσ ἰσχυρότατον, ἀλλ’ ἐν ἀγαθοῖσ καὶ σώφροσιν ἄριστον καὶ σωφρονέστατον ἔδει κριθέντα νικητήριον ἔχειν τῆσ ἀρετῆσ διὰ βίου τὸ σύμπαν, ὡσ εἰπεῖν, κράτοσ ἐν τῇ πολιτείᾳ, κύριον ὄντα καὶ θανάτου καὶ ἀτιμίασ καὶ ὅλωσ τῶν μεγίστων, ἐγίνετο δὲ ἡ κρίσισ τόνδε τὸν τρόπον. ἐκκλησίασ ἀθροισθείσησ ἄνδρεσ αἱρετοὶ καθείργνυντο πλησίον εἰσ οἴκημα, τὴν μὲν ὄψιν οὐχ ὁρῶντεσ οὐδὲ ὁρώμενοι, τὴν δὲ κραυγὴν μόνον ἀκούοντεσ ἐκκλησιαζόντων.

βοῇ γάρ ὡσ τἆλλα καὶ τοὺσ ἁμιλλωμένουσ ἔκρινον, οὐχ ὁμοῦ πάντων, ἀλλ’ ἑκάστου κατὰ κλῆρον εἰσαγομένου καὶ σιωπῇ διαπορευομένου τὴν ἐκκλησίαν. ἔχοντεσ οὖν οἱ κατάκλειστοι γραμματεῖα, καθ’ ἕκαστον ἐπεσημαίνοντο τῆσ κραυγῆσ τὸ μέγεθοσ, οὐκ εἰδότεσ ὅτῳ γένοιτο, πλὴν ὅτι πρῶτοσ ἢ δεύτεροσ ἢ τρίτοσ ἢ ὁποστοσοῦν εἰή τῶν εἰσαγομένων.

ὅτῳ δὲ πλείστη γένοιτο καὶ μεγίστη, τοῦτον ἀνηγόρευον. ὁ δὲ στεφανωσάμενοσ περιῄει τοὺσ θεούσ· εἵποντο δὲ πολλοὶ νέοι ζηλοῦντεσ τὸν ἄνδρα καὶ μεγαλύνοντεσ, πολλαί τε γυναῖκεσ ἐγκωμιάζουσαι δι’ ᾠδῆσ τὴν ἀρετὴν καὶ τὸν βίον εὐδαιμονίζουσαι. τῶν δὲ ἐπιτηδείων ἕκαστοσ αὐτῷ δεῖπνον παρατιθεὶσ ἔλεγεν ὅτι ἡ πόλισ ταύτῃ τιμᾷ τῇ τραπέζῃ.

περιελθὼν δὲ εἰσ τὸ συσσίτιον ἀπῄει· καὶ τὰ μὲν ἄλλα ἐγίνετο συνήθωσ, δευτέρασ δὲ μερίδοσ αὐτῷ παρατεθείσησ ἐφύλαττεν ἀράμενοσ· καὶ μετὰ τὸ δεῖπνον ἐπὶ ταῖσ θύραισ τοῦ φιδιτίου τῶν οἰκείων παρουσῶν γυναικῶν, ἣν μάλιστα τυγχάνοι τιμῶν προσεκαλεῖτο, καὶ διδοὺσ τὴν μοῖραν ἔλεγεν ὅτι ταύτην αὐτὸσ λαβὼν ἀριστεῖον ἐκείνῃ δίδωσιν, ὥστε κἀκείνην ζηλουμένην ὑπὸ τῶν ἄλλων προπέμπεσθαι γυναικῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lycurgus, chapter 26

(플루타르코스, Lycurgus, chapter 26)

상위

목록

SEARCH

MENU NAVIGATION