호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ παιδεία μέχρι τῶν ἐνηλίκων διέτεινεν. καὶ γὰρ ἕν τι τοῦτο τῶν καλῶν ἦν καὶ μακαρίων ἃ παρεσκεύασε τοῖσ ἑαυτοῦ πολίταισ ὁ Λυκοῦργοσ, ἀφθονία σχολῆσ, οἷσ τέχνησ μὲν ἅψασθαι βαναύσου τὸ παράπαν οὐκ ἐφεῖτο, χρηματισμοῦ δὲ συναγωγὴν ἔχοντοσ ἐργώδη καὶ πραγματείαν οὐδ’ ὁτιοῦν ἔδει, διὰ τὸ κομιδῇ τὸν πλοῦτον ἄζηλον γεγονέναι καὶ ἄτιμον.
οἱ δὲ εἵλωτεσ αὐτοῖσ εἰργάζοντο τὴν γῆν, ἀποφορὰν τὴν εἰρημένην τελοῦντεσ, ἐπιδημῶν δὲ τίσ Ἀθήνησι δικαστηρίων ὄντων, καὶ πυθόμενὸσ τινα δίκην ἀργίασ ὠφληκότα βαδίζειν ἀθυμοῦντα καὶ προπεμπόμενον ὑπὸ τῶν φίλων συναχθομένων καὶ βαρέωσ φερόντων, ἐδεῖτο δεῖξαι τοὺσ συμπαρόντασ αὐτῷ τίσ ἐστιν ὁ τὴν ἐλευθερίασ ἑαλωκὼσ δίκην.
οὕτω δουλοπρεπὲσ ἡγοῦντο τὴν περὶ τὰσ τέχνασ καὶ τὸν χρηματισμὸν ἀσχολίαν. δίκαι δέ, ὡσ εἰκόσ, ἐξέλιπον ἅμα τῷ νομίσματι, μήτε πλεονεξίασ μήτε ἀπορίασ αὐτοῖσ παρούσησ, ἰσότητοσ δὲ ἐν εὐπορίᾳ καὶ ῥᾳστώνησ δι’ εὐτέλειαν γεγενημένησ.
χοροὶ δὲ καὶ θαλίαι καὶ εὐωχίαι καὶ διατριβαὶ περί τε θήρασ καὶ γυμνάσια καὶ λέσχασ τὸν ἅπαντα χρόνον ἐπέχωρίαζον, ὅτε μὴ στρατευόμενοι τύχοιεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기