Plutarch, Lycurgus, chapter 7

(플루타르코스, Lycurgus, chapter 7)

οὕτω τὸ πολίτευμα τοῦ Λυκούργου μίξαντοσ, ὅμωσ ἄκρατον ἔτι τὴν ὀλιγαρχίαν καὶ ἰσχυρὰν οἱ μετ’ αὐτὸν ὁρῶντεσ σπαργῶσαν καὶ θυμουμένην, ὥσ φησιν ὁ Πλάτων, οἱο͂ν ψάλιον ἐμβάλλουσιν αὐτῇ τὴν τῶν ἐφόρων δύναμιν, ἔτεσί που μάλιστα τριάκοντα καὶ ἑκατὸν μετὰ Λυκοῦργον πρώτων τῶν περὶ Ἔλατον ἐφόρων κατασταθέντων ἐπὶ Θεοπόμπου βασιλεύοντοσ· "ὅσῳ χρονιωτέραν.

τῷ γὰρ ὄντι τὸ ἄγαν ἀποβαλοῦσα μετὰ τοῦ φθόνου διέφυγε τὸν κίνδυνον, ὥστε μὴ παθεῖν ἃ Μεσσήνιοι καὶ Ἀργεῖοι τοὺσ παρ’ αὐτοῖσ βασιλεῖσ ἔδρασαν, μηδὲν ἐνδοῦναι μηδὲ χαλάσαι τῆσ ἐξουσίασ ἐπὶ τὸ δημοτικὸν ἐθελήσαντασ. οἳ τῶν ἴσων ἀπ’ ἀρχῆσ τετυχηκότεσ, ἐν δὲ τῷ κλήρῳ καὶ πλέον ἔχειν ἐκείνων δόξαντεσ, οὐκ ἐπὶ πολὺν χρόνον εὐδαιμόνησαν, ἀλλ’ ὕβρει μὲν τῶν βασιλέων, οὐκ εὐπειθείᾳ δὲ τῶν ὄχλων, τὰ καθεστῶτα συνταράξαντεσ ἔδειξαν ὅτι θεῖον ἦν ὡσ ἀληθῶσ εὐτύχημα τοῖσ Σπαρτιάταισ ὁ τὴν πολιτείαν ἁρμοσάμενοσ καὶ κεράσασ παρ’ αὐτοῖσ.

ταῦτα μὲν οὖν ὕστερον.

SEARCH

MENU NAVIGATION