Plutarch, Lycurgus, chapter 6

(플루타르코스, Lycurgus, chapter 6)

οὕτω δὲ περὶ ταύτην ἐσπούδασε τὴν ἀρχὴν ὁ Λυκοῦργοσ ὥστε μαντείαν ἐκ Δελφῶν κομίσαι περὶ αὐτῆσ, ἣν ῥήτραν καλοῦσιν. ἔχει δὲ οὕτωσ· "Διὸσ Συλλανίου καὶ Ἀθανᾶσ Συλλανίασ ἱερὸν ἱδρυσάμενον, φυλὰσ φυλάξαντα καὶ ὠβὰσ ὠβάξαντα, τριάκοντα γερουσίαν σὺν ἀρχαγέταισ καταστήσαντα, ὡρ́ασ ἐξ ὡρ́ασ ἀπελλάζειν μεταξὺ Βαβύκασ τε καὶ Κνακιῶνοσ, οὕτωσ εἰσφέρειν τε καὶ ἀφίστασθαι δάμῳ δὲ τὰν κυρίαν ἦμεν καὶ κράτοσ" ἐν τούτοισ τὸ μὲν φυλὰσ φυλάξαι καὶ ὠβὰσ ὠβάξαι διελεῖν ἐστι καὶ κατανεῖμαι τὸ πλῆθοσ εἰσ μερίδασ, ὧν τὰσ μὲν φυλάσ, τὰσ δὲ ὠβὰσ προσηγόρευκεν. ἀρχαγέται δὲ οἱ βασιλεῖσ λέγονται, τὸ δὲ ἀπελλάζειν ἐκκλησιάζειν·

ὅτι τὴν ἀρχὴν καὶ τὴν αἰτίαν τῆσ πολιτείασ εἰσ τὸν Πύθιον ἀνῆψε. τὴν δὲ Βαβύκαν Χείμαρροσ, καὶ τὸν Κνακιῶνα νῦν Οἰνοῦντα προσαγορεύουσιν· Ἀριστοτέλησ δὲ τὸν μὲν Κνακιῶνα ποταμόν, τὴν δὲ Βαβύκαν γέφυραν. ἐν μέσῳ δὲ τούτων τὰσ ἐκκλησίασ ἦγον, οὔτε παστάδων οὐσῶν οὔτε ἄλλησ τινὸσ κατασκευῆσ, οὐθὲν γάρ ᾤετο ταῦτα πρὸσ εὐβουλίαν εἶναι, μᾶλλον δὲ βλάπτειν, φλυαρώδεισ ἀπεργαζόμενα καὶ χαύνουσ φρονήματι κενῷ τὰσ διανοίασ τῶν συμπορευομένων, ὅταν εἰσ ἀγάλματα καὶ γραφὰσ ἢ προσκήνια θεάτρων ἢ στέγασ βουλευτηρίων ἠσκημένασ περιττῶσ ἐκκλησιάζοντεσ ἀποβλέπωσι.

τοῦ δὲ πλήθουσ ἀθροισθέντοσ εἰπεῖν μὲν οὐδενὶ γνώμην τῶν ἄλλων ἐφεῖτο, τὴν δ̓ ὑπὸ τῶν γερόντων καὶ τῶν βασιλέων προτεθεῖσαν ἐπικρῖναι κύριοσ ἦν ὁ δῆμοσ, ὕστερον μέντοι τῶν πολλῶν ἀφαιρέσει καὶ προσθέσει τὰσ γνώμασ διαστρεφόντων καὶ παραβιαζομένων, Πολύδωροσ καὶ Θεόπομποσ οἱ βασιλεῖσ τάδε τῇ ῥήτρᾳ παρενέγραψαν· τοῦτ’ ἔστι μὴ κυροῦν, ἀλλ’ ὅλωσ ἀφίστασθαι καὶ διαλύειν τὸν δῆμον, ὡσ ἐκτρέποντα καὶ μεταποιοῦντα τὴν γνώμην παρὰ τὸ βέλτιστον.

ἔπεισαν δὲ καὶ αὐτοὶ τὴν πόλιν ὡσ τοῦ θεοῦ ταῦτα προστάσσοντοσ, ὥσ που Τυρταῖοσ ἐπιμέμνηται διὰ τούτων Φοίβου ἀκούσαντεσ Πυθωνόθεν οἴκαδ’ ἔνεικαν μαντείασ τε θεοῦ καὶ τελέεντ’ ἔπεα· ἄρχειν μὲν βουλῆσ θεοτιμήτουσ βασιλῆασ, οἷσι μέλει Σπάρτασ ἱμερόεσσα πόλισ, πρεσβύτασ τε γέροντασ, ἔπειτα δὲ δημότασ ἄνδρασ, εὐθείαισ ῥήτραισ ἀνταπαμειβομένουσ.

일치하는 문장이 없습니다.

SEARCH

MENU NAVIGATION