Plutarch, Lycurgus, chapter 3

(플루타르코스, Lycurgus, chapter 3)

ἀποθανόντοσ δὲ καὶ τούτου μετ’ ὀλίγον χρόνον ἔδει βασιλεύειν, ὡσ πάντεσ ᾤοντο, τὸν Λυκοῦργον· καὶ πρίν γε τὴν γυναῖκα τοῦ ἀδελφοῦ φανερὰν γενέσθαι κύουσαν ἐβασίλευεν. ἐπεὶ δὲ τοῦτο τάχιστα ᾔσθετο, τὴν μὲν βασιλείαν ἀπέφηνε τοῦ παιδὸσ οὖσαν, ἄνπερ ἄρρην γένηται, τὴν δὲ ἀρχὴν αὐτὸσ ὡσ ἐπίτροποσ διεῖπε. τοὺσ δὲ τῶν ὀρφανῶν βασιλέων ἐπιτρόπουσ Λακεδαιμόνιοι προδίκουσ ὠνόμαζον. ὡσ δὲ ἡ γυνὴ προσέπεμπε κρύφα καὶ λόγουσ ἐποιεῖτο, βουλομένη διαφθεῖραι τὸ βρέφοσ ἐπὶ τῷ συνοικεῖν ἐκείνῳ βασιλεύοντι τῆσ Σπάρτησ, τὸ μὲν ἦθοσ αὐτῆσ ἐμίσησε, πρὸσ δὲ τὸν λόγον αὐτὸν οὐκ ἀντεῖπεν, ἀλλ’ ἐπαινεῖν καὶ δέχεσθαι προσποιούμενοσ, οὐκ ἔφη δεῖν ἀμβλίσκουσαν αὐτὴν καὶ φαρμακευομένην διαλυμαίνεσθαι τὸ σῶμα καὶ κινδυνεύειν αὐτῷ γὰρ μελήσειν ὅπωσ εὐθὺσ ἐκποδὼν ἔσται τὸ γεννηθέν.

οὕτω δὲ παραγαγὼν ἄχρι τοῦ τόκου τὴν ἄνθρωπον, ὡσ ᾔσθετο τίκτουσαν, εἰσέπεμψε παρέδρουσ ταῖσ ὠδῖσιν αὐτῆσ καὶ φύλακασ, οἷσ ἦν προστεταγμένον, ἐὰν μὲν θῆλυ τεχθῇ, παραδοῦναι ταῖσ γυναιξίν, ἐὰν δὲ ἄρρεν, κομίσαι πρὸσ ἑαυτὸν ὅ τι ἂν τύχῃ πράττων.

κατέκλινεν ἐν τῇ βασιλικῇ χώρᾳ καὶ Χαρίλαον ὠνόμασε διὰ τὸ τοὺσ πάντασ εἶναι περιχαρεῖσ, ἀγαμένουσ αὐτοῦ τὸ φρόνημα καὶ τὴν δικαιοσύνην.

ἐβασίλευσε δὲ μῆνασ ὀκτὼ τὸ σύμπαν, ἦν δὲ καὶ τἆλλα περίβλεπτοσ ὑπὸ τῶν πολιτῶν, καὶ πλείονεσ ἐγένοντο τῶν ὡσ ἐπιτρόπῳ βασιλέωσ καὶ βασιλικὴν ἐξουσίαν ἔχοντι πειθομένων οἱ δι’ ἀρετὴν προσέχοντεσ αὐτῷ καὶ ποιεῖν ἐθέλοντεσ ἑτοίμωσ τὸ προσταττόμενον. ἦν δέ τι καὶ τὸ φθονοῦν καὶ πρὸσ τὴν αὔξησιν ὄντι νέῳ πειρώμενον ἐνίστασθαι, μάλιστα μὲν οἱ συγγενεῖσ καὶ οἰκεῖοι τῆσ τοῦ βασιλέωσ μητρὸσ ὑβρίσθαι δοκούσησ, ὁ δὲ ἀδελφὸσ αὐτῆσ Λεωνίδασ καὶ θρασύτερόν ποτε τῷ Λυκούργῳ λοιδορηθείσ, ὑπεῖπεν ὡσ εἰδείη σαφῶσ μέλλοντα βασιλεύειν αὐτόν, ὑπόνοιαν διδοὺσ καὶ προκαταλαμβάνων διαβολῇ τὸν Λυκοῦργον, εἴ τι συμβαίη τῷ βασιλεῖ παθεῖν, ὡσ ἐπιβεβουλευκότα.

τοιοῦτοι δὲ τινεσ λόγοι καὶ παρὰ τῆσ γυναικὸσ ἐξεφοίτων ἐφ’ οἷσ βαρέωσ φέρων καὶ δεδοικὼσ τὸ ἄδηλον, ἔγνω φυγεῖν ἀποδημίᾳ τὴν ὑπόνοιαν, καὶ πλανηθῆναι μέχρισ ἂν ὁ ἀδελφιδοῦσ ἐν ἡλικίᾳ γενόμενοσ τεκνώσῃ διάδοχον τῆσ βασιλείασ.

SEARCH

MENU NAVIGATION