헬라어 문장 검색 - Πλυταρ́Διον́46́

(플루타르코스, Dion, chapter 46)

ἐπεὶ δὲ ταῦτα παρασκευασάμενοσ καὶ τοῖσ θεοῖσ προσευξάμενοσ ὤφθη διὰ τῆσ πόλεωσ ἄγων ἐπὶ τοὺσ πολεμίουσ, κραυγῇ καὶ χαρὰ καὶ πολὺσ ἀλαλαγμὸσ εὐχαῖσ ὁμοῦ καὶ παρακλήσεσι μεμιγμένοσ ἐγίνετο παρὰ τῶν Συρακουσίων, τὸν μὲν Δίωνα σωτῆρα καὶ θεὸν ἀποκαλούντων, τοὺσ δὲ ξένουσ ἀδελφοὺσ καὶ πολίτασ. οὐδεὶσ δὲ φίλαυτοσ οὕτωσ ἦν καὶ φιλόψυχοσ παρὰ τὸν τότε καιρόν ὃσ οὐ μᾶλλον ὑπὲρ μόνου Δίωνοσ ἢ τῶν ἄλλων ἁπάντων ἀγωνιῶν ἐφαίνετο, πρώτου πρὸσ τὸν κίνδυνον πορευομένου δι’ αἵματοσ καὶ πυρὸσ καὶ νεκρῶν πολλῶν κειμένων ἐν ταῖσ πλατείαισ.

ἦν μὲν οὖν καὶ τὰ παρὰ τῶν πολεμίων φοβερά παντάπασιν ἀπηγριωμένων καὶ παρατεταγμένων παρὰ τὸ τείχισμα χαλεπὴν ἔχον καὶ δυσεκβίαστον τὴν πρόσοδον ὁ δ’ ἐκ τοῦ πυρὸσ κίνδυνοσ ἐτάραττε μᾶλλον τοὺσ ξένουσ καὶ δύσεργον ἐποίει τὴν πορείαν. κύκλῳ γὰρ ὑπὸ τῆσ φλογὸσ περιελάμποντο τὰσ οἰκίασ περινεμομένησ·

καὶ διαπύροισ ἐπιβαίνοντεσ ἐρειπίοισ καὶ καταφερομένοισ ἀπορρήγμασι μεγάλοισ ὑποτρέχοντεσ ἐπισφαλῶσ, καὶ πολὺν ὁμοῦ καπνῷ διαπορευόμενοι κονιορτόν, ἐπειρῶντο συνέχειν καὶ μὴ διασπᾶν τὴν τάξιν. ὡσ δὲ προσέμιξαν τοῖσ πολεμίοισ, ἐν χερσὶ μὲν ὀλίγων πρὸσ ὀλίγουσ ἐγίνετο μάχη διὰ τὴν στενότητα καὶ τὴν ἀνωμαλίαν τοῦ τόπου, κραυγῇ δὲ καὶ προθυμίᾳ τῶν Συρακουσίων ἐπιρρωσάντων ἐβιάσθησαν οἱ περὶ τὸν Νύψιον. καὶ τὸ μὲν πλεῖστον αὐτῶν εἰσ τὴν ἀκρόπολιν ἐγγὺσ οὖσαν ἀναφεῦγον ἐσῴζετο·

τοὺσ δ’ ἀπολειφθέντασ ἔξω καὶ διασπαρέντασ ἀνῄρουν οἱ ξένοι διώκοντεσ. ἀπόλαυσιν δὲ τῆσ νίκησ ἐν τῷ παραυτίκα καὶ χαρὰν καὶ περιβολὰσ ἔργῳ τηλικούτῳ πρεπούσασ οὐ παρέσχεν ὁ καιρόσ, ἐπὶ τὰσ οἰκίασ τραπομένων τῶν Συρακουσίων καὶ τὸ πῦρ μόλισ ἐν τῇ νυκτὶ κατασβεσάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Dion, chapter 46

(플루타르코스, Dion, chapter 46)

상위

목록

SEARCH

MENU NAVIGATION