호흡부호 보기
강세부호 보기
장단부호 보기
작은 Iota 보기
모든 부호 보기
ἐπεὶ δὲ ταῦτα παρασκευασάμενοσ καὶ τοῖσ θεοῖσ προσευξάμενοσ ὤφθη διὰ τῆσ πόλεωσ ἄγων ἐπὶ τοὺσ πολεμίουσ, κραυγῇ καὶ χαρὰ καὶ πολὺσ ἀλαλαγμὸσ εὐχαῖσ ὁμοῦ καὶ παρακλήσεσι μεμιγμένοσ ἐγίνετο παρὰ τῶν Συρακουσίων, τὸν μὲν Δίωνα σωτῆρα καὶ θεὸν ἀποκαλούντων, τοὺσ δὲ ξένουσ ἀδελφοὺσ καὶ πολίτασ. οὐδεὶσ δὲ φίλαυτοσ οὕτωσ ἦν καὶ φιλόψυχοσ παρὰ τὸν τότε καιρόν ὃσ οὐ μᾶλλον ὑπὲρ μόνου Δίωνοσ ἢ τῶν ἄλλων ἁπάντων ἀγωνιῶν ἐφαίνετο, πρώτου πρὸσ τὸν κίνδυνον πορευομένου δι’ αἵματοσ καὶ πυρὸσ καὶ νεκρῶν πολλῶν κειμένων ἐν ταῖσ πλατείαισ.
ἦν μὲν οὖν καὶ τὰ παρὰ τῶν πολεμίων φοβερά παντάπασιν ἀπηγριωμένων καὶ παρατεταγμένων παρὰ τὸ τείχισμα χαλεπὴν ἔχον καὶ δυσεκβίαστον τὴν πρόσοδον ὁ δ’ ἐκ τοῦ πυρὸσ κίνδυνοσ ἐτάραττε μᾶλλον τοὺσ ξένουσ καὶ δύσεργον ἐποίει τὴν πορείαν. κύκλῳ γὰρ ὑπὸ τῆσ φλογὸσ περιελάμποντο τὰσ οἰκίασ περινεμομένησ·
καὶ διαπύροισ ἐπιβαίνοντεσ ἐρειπίοισ καὶ καταφερομένοισ ἀπορρήγμασι μεγάλοισ ὑποτρέχοντεσ ἐπισφαλῶσ, καὶ πολὺν ὁμοῦ καπνῷ διαπορευόμενοι κονιορτόν, ἐπειρῶντο συνέχειν καὶ μὴ διασπᾶν τὴν τάξιν. ὡσ δὲ προσέμιξαν τοῖσ πολεμίοισ, ἐν χερσὶ μὲν ὀλίγων πρὸσ ὀλίγουσ ἐγίνετο μάχη διὰ τὴν στενότητα καὶ τὴν ἀνωμαλίαν τοῦ τόπου, κραυγῇ δὲ καὶ προθυμίᾳ τῶν Συρακουσίων ἐπιρρωσάντων ἐβιάσθησαν οἱ περὶ τὸν Νύψιον. καὶ τὸ μὲν πλεῖστον αὐτῶν εἰσ τὴν ἀκρόπολιν ἐγγὺσ οὖσαν ἀναφεῦγον ἐσῴζετο·
τοὺσ δ’ ἀπολειφθέντασ ἔξω καὶ διασπαρέντασ ἀνῄρουν οἱ ξένοι διώκοντεσ. ἀπόλαυσιν δὲ τῆσ νίκησ ἐν τῷ παραυτίκα καὶ χαρὰν καὶ περιβολὰσ ἔργῳ τηλικούτῳ πρεπούσασ οὐ παρέσχεν ὁ καιρόσ, ἐπὶ τὰσ οἰκίασ τραπομένων τῶν Συρακουσίων καὶ τὸ πῦρ μόλισ ἐν τῇ νυκτὶ κατασβεσάντων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기