Plutarch, Dion, chapter 39

(플루타르코스, Dion, chapter 39)

ἐν τούτῳ δὲ γεγονὼσ ἀνάγκησ καὶ τύχησ ὁ Δίων ἢ μάχεσθαι τοῖσ πολίταισ ἢ μετὰ τῶν ξένων ἀποθανεῖν, πολλὰ μὲν ἱκέτευεν ὀρέγων τὰσ χεῖρασ τοῖσ Συρακουσίοισ καὶ τὴν ἀκρόπολιν περίπλεων πολεμίων οὖσαν ὑπερφαινομένων τὰ τείχη καὶ τὰ γενόμενα καθορώντων ἐπιδεικνύμενοσ· ὡσ δ’ ἦν ἀπαραίτητοσ ἡ τῶν πολλῶν φορά καὶ κατεῖχεν ὥσπερ ἐν πελάγει τὸ τῶν δημαγωγῶν πνεῦμα τὴν πόλιν, ἐμβολῆσ μὲν ἀποσχέσθαι τοῖσ ξένοισ προσέταξεν, ὅσον δ’ ἐπιδραμόντων μετὰ βοῆσ καὶ τοῖσ ὅπλοισ τιναξαμένων οὐδεὶσ ἔμεινε τῶν Συρακουσίων, ἀλλ’ ᾤχοντο φεύγοντεσ ἀνὰ τὰσ ἀγυιάσ, οὐδενὸσ ἐπιδιώκοντοσ·

εὐθὺσ γὰρ ἀπέστρεψεν ὁ Δίων τοὺσ ξένουσ καὶ προῆγεν εἰσ Λεοντίνουσ. οἱ δ’ ἄρχοντεσ τῶν Συρακουσίων καταγέλαστοι γεγονότεσ ὑπὸ τῶν γυναικῶν, καὶ τὴν αἰσχύνην ἀναλαβεῖν ζητοῦντεσ, αὖθισ ὁπλίσαντεσ τοὺσ πολίτασ ἐδίωκον τὸν Δίωνα, καὶ κατέλαβον μὲν ἐπὶ διαβάσει τινὸσ ποταμοῦ καὶ προσίππευσαν ἁψιμαχοῦντεσ·

ὡσ δ’ ἑώρων οὐκέτι πρᾴωσ οὐδὲ πατρικῶσ ὑπομένοντα τὰσ ἁμαρτίασ αὐτῶν, ἀλλὰ θυμῷ τοὺσ ξένουσ ἐπιστρέφοντα καὶ παραταττόμενον, αἰσχίονα φυγὴν τῆσ προτέρασ φυγόντεσ ὑπεχώρησαν εἰσ τὴν πόλιν, οὐ πολλῶν ἀποθανόντων.

SEARCH

MENU NAVIGATION