헬라어 문장 검색 - Πλυταρ́Δετρανθ́20́

(플루타르코스, De tranquilitate animi, section 20)

"ἀγαθὸσ οὐ πᾶσαν ἡμέραν ἑορτὴν ἡγεῖται; καὶ πάνυ γε λαμπράν, εἰ σωφρονοῦμεν. ἱερὸν μὲν γὰρ ἁγιώτατον ὁ κόσμοσ ἐστὶ καὶ θεοπρεπέστατον· εἰσ δὲ τοῦτον ὁ ἄνθρωποσ εἰσάγεται διὰ τῆσ γενέσεωσ οὐ χειροκμήτων οὐδ’ ἀκινήτων ἀγαλμάτων θεατήσ, ἀλλ’ οἱᾶ νοῦσ θεῖοσ αἰσθητὰ μιμήματα νοητῶν, φησὶν ὁ Πλάτων, ἔμφυτον ἀρχὴν ζωῆσ ἔχοντα καὶ κινήσεωσ ἔφηνεν, ἥλιον καὶ σελήνην καὶ ἄστρα καὶ ποταμοὺσ νέον ὕδωρ ἐξιέντασ ἀεὶ καὶ γῆν φυτοῖσ τε καὶ ζῴοισ τροφὰσ ἀναπέμπουσαν. ὧν τὸν βίον μύησιν ὄντα καὶ τελετὴν τελειοτάτην εὐθυμίασ δεῖ μεστὸν εἶναι καὶ γήθουσ· οὐχ ὥσπερ οἱ πολλοὶ Κρόνια καὶ Διάσια καὶ Παναθήναια καὶ τοιαύτασ ἄλλασ ἡμέρασ περιμένουσιν, ἵν’ ἡσθῶσι καὶ ἀναπνεύσωσιν, ὠνητοῦ γέλωτοσ μίμοισ καὶ ὀρχησταῖσ μισθοὺσ τελέσαντεσ. εἶτ’ ἐκεῖ μὲν εὔφημοι καθήμεθα κοσμίωσ· οὐδεὶσ γάρ ὀδύρεται μυούμενοσ οὐδὲ θρηνεῖ Πύθια θεώμενοσ ἢ πίνων ἐν Κρονίοισ ἃσ δ’ ὁ θεὸσ ἡμῖν ἑορτὰσ χορηγεῖ καὶ μυσταγωγεῖ καταισχύνουσιν, ἐν ὀδυρμοῖσ τὰ πολλὰ καὶ βαρυθυμίαισ καὶ μερίμναισ ἐπιπόνοισ διατρίβοντεσ. καὶ τῶν μὲν ὀργάνων χαίρουσι τοῖσ ἐπιτερπὲσ ἠχοῦσι καὶ τῶν ὀρνέων τοῖσ ᾄδουσι, καὶ τὰ παίζοντα καὶ σκιρτῶντα τῶν ζῴων ἡδέωσ ὁρῶσι, καὶ τοὐναντίον ὠρυομένοισ καὶ βρυχωμένοισ καὶ σκυθρωπάζουσιν ἀνιῶνται·

τὸν δ’ ἑαυτῶν βίον ἀμειδῆ καὶ κατηφῆ καὶ τοῖσ ἀτερπεστάτοισ πάθεσι καὶ πράγμασι καὶ φροντίσι μηδὲν πέρασ ἐχούσαισ πιεζόμενον ἀεὶ καὶ συνθλιβόμενον ὁρῶντεσ, οὐχ ὅπωσ αὐτοὶ μὲν ἑαυτοῖσ ἀναπνοήν τινα καὶ ῥᾳστώνην πορίζουσιν, ποθὲν; ἀλλ’ οὐδ’ ἑτέρων παρακαλούντων προσδέχονται λόγον ᾧ χρώμενοι καὶ τοῖσ παροῦσιν ἀμέμπτωσ συνοίσονται καὶ τῶν γεγονότων εὐχαρίστωσ μνημονεύσουσι καὶ πρὸσ τὸ λοιπὸν ἵλεω τὴν ἐλπίδα καὶ φαιδρὰν ἔχοντεσ ἀδεῶσ καὶ ἀνυπόπτωσ προσάξουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, De tranquilitate animi, section 20

(플루타르코스, De tranquilitate animi, section 20)

상위

목록

SEARCH

MENU NAVIGATION