호흡부호 보기
강세부호 보기
장단부호 보기
작은 Iota 보기
모든 부호 보기
οὕτωσ αἱ τῶν βίων ἀντιμεταλήψεισ οὐκ ἐξαιροῦσι τῆσ ψυχῆσ τὰ λυποῦντα καὶ ταράττοντα· ταῦτα δ’ ἐστὶν ἀπειρία πραγμάτων, ἀλογιστία, τὸ μὴ δύνασθαι μηδ’ ἐπίστασθαι χρῆσθαι τοῖσ παροῦσιν ὀρθῶσ. ταῦτα καὶ πλουσίουσ χειμάζει καὶ πένητασ, ταῦτα καὶ γεγαμηκότασ ἀνιᾷ καὶ ἀγάμουσ· διὰ ταῦτα φεύγουσι τὴν ἀγοράν, εἶτα τὴν ἡσυχίαν οὐ φέρουσι, διὰ ταῦτα προαγωγὰσ ἐν αὐλαῖσ διώκουσι, καὶ παρελθόντεσ εὐθὺσ βαρύνονται. δυσάρεστον οἱ νοσοῦντεσ ἀπορίασ ὕπο· καὶ γὰρ ἡ γυνὴ λυπεῖ καὶ τὸν ἰατρὸν αἰτιῶνται καὶ δυσχεραίνουσι τὸ κλινίδιον, φίλων δ’ ὃ τ̓ ἐλθὼν λυπρὸσ ὅ τ’ ἀπιὼν βαρύσ, ὡσ ὁ Ιὤν φησίν. εἶτα τῆσ νόσου διαλυθείσησ καὶ κράσεωσ ἑτέρασ ἐγγενομένησ, ἦλθεν ἡ ὑγίεια φίλα πάντα ποιοῦσα καὶ προσηνῆ·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기