Plutarch, De primo frigido, chapter, section 18

(플루타르코스, De primo frigido, chapter, section 18)

ἀλλ’ αὕτη μὲν ἀπήρτηται τοῦ ζητουμένου πολλὰ γὰρ δέδεικται ψυχρὰ τῶν λαμπρῶν ὄντα καὶ θερμὰ τῶν ἀμαυρῶν καὶ σκοτεινῶν. ἐκεῖναι δὲ συγγενέστεραι δυνάμεισ ψυχρότητόσ εἰσι, τὸ ἐμβριθὲσ τὸ πυκνὸν τὸ μόνιμον τὸ ἀμετάβλητον ὧν ἀέρι μὲν οὐδεμιᾶσ, γῇ δὲ μᾶλλον ἢ ὕδατι πασῶν μέτεστι. καὶ μὴν ἐν τοῖσ μάλιστα τὸ ψυχρὸν αἰσθητῶσ σκληρόν ἐστι καὶ σκληροποιὸν.

καὶ ἀντίτυπον. ἰχθῦσ μὲν γὰρ ἱστορεῖ Θεόφραστοσ ὑπὸ ῥίγουσ πεπηγότασ, ἂν ἀφεθῶσιν ἐπὶ τὴν γῆν, κατάγνυσθαι καὶ συντρίβεσθαι δίκην ὑελῶν ἢ κεραμεῶν σωμάτων. , ἐν δὲ Δελφοῖσ αὐτὸσ ἢκουεσ ὅτι τῶν εἰσ τὸν Παρνασὸν ἀναβάντων βοηθῆσαι ταῖσ Θυιάσιν, ἀπειλημμέναισ ὑπὸ πνεύματοσ χαλεποῦ καὶ χιόνοσ, οὕτωσ ἐγένοντο διὰ τὸν πάγον σκληραὶ καὶ ξυλώδεισ αἱ χλαμύδεσ, ὡσ καὶ θραύεσθαι διατεινομένασ καὶ ῥήγνυσθαι. καὶ νεῦρα δυσκαμπῆ καὶ γλῶτταν ἄναυδον ἀκινησίᾳ καὶ σκληρότητι τὸ ἄγαν ψῦχοσ, ἐκπηγνύον τὰ καὶ μαλακὰ τοῦ σώματοσ.

SEARCH

MENU NAVIGATION