호흡부호 보기
강세부호 보기
장단부호 보기
작은 Iota 보기
모든 부호 보기
ἔτι τοίνυν τὰ μὲν ἀποσπασθέντα τῆσ πηγῆσ ὕδατα μᾶλλον πήγνυται μᾶλλον γὰρ ὁ ἀὴρ ἐπικρατεῖ τοῦ ἐλάττονοσ. ἂν.
δέ τισ ψυχρὸν ἐκ φρέατοσ ὕδωρ λαβὼν ἐν ἀγγείῳ καὶ καθεὶσ αὖθισ εἰσ τὸ φρέαρ ὥστε μὴ ψαύειν τοῦ ὕδατοσ τὸ ἀγγεῖον ἀλλ’ ἐν τῷ ἀέρι κρέμασθαι, περιμείνῃ χρόνον οὐ πολύν, ἔσται ψυχρότερον τὸ ὕδωρ· μάλοστα δηλοῦται τὸ μὴ, τοῦ ὕδατοσ εἶναι τὴν πρώτην αἰτίαν τῆσ ψυχρότητοσ ἀλλὰ τοῦ ἀέροσ.
·
τῶν γε μὴν μεγάλων ποταμῶν οὐδεὶσ πήγνυται διὰ βάθουσ· οὐ γὰρ καθίησιν εἰσ ὅλον ὁ ἀήρ,. ἀλλ’ ὅσα τῇ ψυχρότητι περιλαμβάνει ψαύων καὶ πλησιάζων, ταῦθ’ ἵστησιν· ὅθεν οἱ βάρβαροι διαβαίνουσι πεζῇ, προβαλόντεσ ἀλώπεκασ· ἄν γὰρ μὴ πολὺσ ἀλλ’ ἐπιπόλαιοσ ὁ πάγοσ ᾖ, αἰσθανόμεναι τῷ ψόφῳ τοῦ ὑπορρέοντοσ ὕδατοσ ἀναστρέφουσιν ἔνιοι δὲ καὶ θηρεύουσιν ἰχθῦσ, ὕδατι θερμῷ τοῦ πάγου παραλύοντεσ καὶ χαλῶντεσ;
τό γε τὴν ὁρμιὰν δεξόμενον.
οὕτωσ οὐδὲν ὑπὸ τοῦ ψυχροῦ τὸ ἐν βάθει πέπονθε. καίτοι τῶν ἄνω τοσαύτη γίγνεται μεταβολὴ διὰ τὴν πῆξιν, ὥστε συντρίβειν τὰ πλοῖα τὸ ὕδωρ ἀποβιαζόμενον εἰσ ἑαυτὸ καὶ συνθλιβόμενον, ὡσ ἱστοροῦσιν οἱ νῦν μετὰ τοῦ Καίσαροσ ἐπὶ τοῦ Ἴστρου διαχειμάσαντεσ.
οὐ μὴν ἀλλὰ καὶ τὸ περὶ.
ἡμᾶσ συμβαῖνον ἱκανὴν μαρτυρίαν δίδωσι μετὰ γὰρ τὰ λουτρὰ καὶ τὰσ ἐξιδρώσεισ περιψυχόμεθα μᾶλλον, τοῖσ σώμασιν ἀνειμένοισ καὶ διακεχυμένοισ πολλὴν ψυχρότητα μετὰ τοῦ ἀέροσ καταδεχόμενοι. τὸ δ’ αὐτὸ τοῦτο καὶ τὸ ὕδωρ πάσχει· ψύχεται γάρ, ἂν προθερμανθῇ, μᾶλλον, εὐπαθέστερον τῷ ἀέρι γενόμενον ὁπότε τὰ ζέοντα τῶν ὑδάτων ἀναρύτοντεσ καὶ μετεωρίζοντεσ οὐδὲν ἄλλο δήπου ποιοῦσιν ἢ πρὸσ ἀέρα πολὺν ἀνακεραννύουσιν.
τοιαύταισ ἐστὶ πιθανότησιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기