Plutarch, De primo frigido, chapter, section 9

(플루타르코스, De primo frigido, chapter, section 9)

οὐ μὴν ἀλλὰ καὶ τὰ αἰσθητὰ ταυτὶ προανακινῆσαι βέλτιόν ἐστιν, ἐν οἷσ Ἐμπεδοκλῆσ τε καὶ Στράτων καὶ οἱ Στωικοὶ τὰσ οὐσίασ τίθενται τῶν δυνάμεων, οἱ μὲν Στωικοὶ τῷ ἀέρι τὸ πρώτωσ ψυχρὸν ἀποδιδόντεσ, Ἐμπεδοκλῆσ δὲ καὶ Στράτων τῷ ὕδατι· τὴν δὲ γῆν ἴσωσ ἂν ἕτεροσ φανείη ψυχρότητοσ αἰτίαν ὑποτιθέμενοσ.

πρότερον δὲ τὰ ἐκείνων σκοπῶμεν. ἐπεὶ τὸ πῦρ θερμὸν ἅμα καὶ λαμπρόν ἐστι, δεῖ τὴν ἀντικειμένην τῷ πυρὶ φύσιν ψυχρὰν τ’ εἶναι καὶ σκοτεινήν· ἀντίκειται γὰρ ὡσ τῷ λαμπρῷ τὸ ζοφερὸν οὕτω τῷ. θερμῷ τὸ ψυχρόν· ἔστι γὰρ ὡσ ὄψεωσ τὸ σκοτεινὸν οὕτω τὸ ψυχρὸν ἁφῆσ συγχυτικόν, 1 ἡ δὲ θερμότησ διαχεῖ τὴν αἴσθησιν τοῦ ἁπτομένου καθάπερ ἡ λαμπρότησ τοῦ ὁρῶντοσ. τὸ ἄρα πρώτωσ σκοτεινὸν ἐν τῇ φύσει πρώτωσ καὶ ψυχρόν ἐστιν. ὅτι δ’ ἀὴρ τὸ πρώτωσ σκοτεινὸν ἐστιν, οὐδὲ τοὺσ ποιητὰσ;

λέληθεν· ἀέρα γὰρ τὸ σκότοσ 1 καλοῦσιν ἀὴρ γὰρ παρὰ νηυσὶ βαθεῖ’ ἦν οὐδὲ σελήνη οὐρανόθεν προύφαινε· καἴπάλιν ἠέρα ἑσσάμενοι πᾶσαν φοιτῶσιν ἐπ’ αἰᾶν καὶ πάλιν αὐτίκα δ’ ἠέρα μὲν σκέδασεν καὶ ἀπῶσεν ὀμίχλην, ἠέλιοσ δ’ ἐπέλαμψε· μάχη δ’ ἐπὶ πᾶσα φαάνθη. τὸν ἀφώτιστον ἀέρα καλοῦσι, κενόν, ὡσ ἐοίκε, φάουσ ὄντα· ὁ συμπεσὼν καὶ πυκνωθεὶσ ἀὴρ ἀποφάσει φωτὸσ κέκληται καλεῖται δὲ καὶ ἀχλὺσ καὶ ὁμίχλη· καὶ ὅσα τοῦ φωτὸσ οὐ παρέχει τῇ αἰσθήσει δίοψιν ἀέροσ εἰσὶ διαφοραί·

καὶ τὸ ἀειδὲσ αὐτοῦ καὶ ἄχρωστον Αἵδησ καὶ Ἀχέρων ἐπίκλησιν ἔσχεν.

ὥσπερ οὖν αὐγῆσ ἐπιλιπούσησ σκοτεινὸσ ἀήρ, οὕτω θερμοῦ μεταστάντοσ τὸ ἀπολειπόμενον ἀὴρ ψυχρὸσ ἄλλο δ’ οὐδέν ἐστι· διὸ καὶ Τάρταροσ οὗτοσ ὑπὸ ψυχρότητοσ κέκληται δηλοῖ δὲ καὶ Ἡσίοδοσ εἰπὼν τάρταρά τ’ ἠερόεντα· ταῦτα μὲν οὖν τοιοῦτον ἔχει λόγον.

일치하는 문장이 없습니다.

SEARCH

MENU NAVIGATION