Plutarch, De genio Socratis, section 7

(플루타르코스, De genio Socratis, section 7)

εἶπεν ὁ Φειδόλαοσ· "ἀλλὰ τοῦτον μέν, ὅταν ἥκῃ πρὸσ ἡμᾶσ, δεξόμεθα· "νυνὶ δ’ ὑπὲρ ὧν ἀρτίωσ ἠποροῦμεν, ὦ Σιμμία, γραμμάτων, εἴ τι γιγνώσκεισ πλεῖον ἐξάγγειλον ἡμῖν· "λέγονται γὰρ οἱ κατ’ Αἴγυπτον ἱερεῖσ τὰ γράμματα συμβαλεῖν τοῦ πίνακοσ, ἃ παρ’ ἡμῶν ἔλαβεν Ἀγησίλαοσ; "τὸν Ἀλκμήνησ τάφον ἀνασκευασάμενοσ. "τὸν πίνακα τοῦτον, ὦ Φειδόλαε·

"γράμματα δὲ πολλὰ παρ’ Ἀγησιλάου κομίζων Ἀγητορίδασ ὁ Σπαρτιάτησ ἧκεν εἰσ Μέμφιν ὡσ Χόνουφιν τὸν προφήτην, ποτὲ συμφιλοσοφοῦντεσ διετρίβομεν ἐγὼ καὶ Πλάτων καὶ Ἐλλοπίων ὁ Πεπαρήθιοσ. "ἧκε δέ, πέμψαντοσ βασιλέωσ καὶ κελεύσαντοσ τὸν Χόνουφιν, εἴ τι συμβάλλοι τῶν γεγραμμένων, ἑρμηνεύσαντα ταχέωσ ἀποστεῖλαι πρὸσ ἑαυτὸν δὲ τρεῖσ ἡμέρασ ἀναλεξάμενοσ βιβλίων τῶν παλαιῶν παντοδαποὺσ χαρακτῆρασ , ἀντέγραψε τῷ βασιλεῖ καὶ· "πρὸσ ἡμᾶσ ἔφρασεν, ὡσ Μούσαισ ἀγῶνα συντελεῖσθαι κελεύει τὰ γράμματα τοὺσ δὲ τύπουσ εἶναι τῆσ ἐπὶ Πρωτεῖ βασιλεύοντι γραμματικῆσ, ἣν Ἡρακλέα τὸν Ἀμφιτρύωνοσ ἐκμαθεῖν ὑφηγεῖσθαι μέντοι καὶ παραινεῖν τοῖσ Ἕλλησι διὰ τῶν γραμμάτων τὸν θεὸν ἄγειν σχολὴν καὶ εἰρήνην, διὰ φιλοσοφίασ ἀγωνιζομένουσ ἀεί, Μούσαισ καὶ λόγῳ διακρινομένουσ περὶ τῶν δικαίων, τὰ ὅπλα καταθέντασ. "ἡμεῖσ δὲ καὶ τότε λέγειν καλῶσ ἡγούμεθα τὸν Χόνουφιν, καὶ μᾶλλον ὁπηνίκα κομιζομένοισ ἡμῖν ἀπ’ Αἰγύπτου περὶ Καρίαν Δηλίων τινὲσ ἀπήντησαν, δεόμενοι Πλάτωνοσ ὡσ γεωμετρικοῦ λῦσαι χρησμὸν αὐτοῖσ; "ἄτοπον ὑπὸ τοῦ θεοῦ προβεβλημένον. "ἦν δὲ χρησμὸσ, Δηλίοισ καὶ τοῖσ ἄλλοισ Ἕλλησι παῦλαν τῶν παρόντων κακῶν ἔσεσθαι διπλασιάσασι τὸν ἐν Δήλῳ βωμόν. οὔτε δὲ τὴν διάνοιαν ἐκεῖνοι συμβάλλειν δυνάμενοι καὶ περὶ τὴν τοῦ βωμοῦ κατασκευὴν γελοῖα πάσχοντεσ ἑ̔κάστησ γὰρ τῶν τεσσάρων πλευρῶν διπλασιαζομένησ, ἔλαθον τῇ αὐξήσει τόπον στερεὸν ὀκταπλάσιον ἀπεργασάμενοι, δι’ ἀπειρίαν ἀναλογίασ ἣ τῷ μήκει διπλάσιον παρέχεταἰ, Πλάτωνα τῆσ ἀπορίασ ἐπεκαλοῦντο βοηθόν. ὁ δὲ τοῦ Αἰγυπτίου μνησθεὶσ προσπαίζειν ἔφη τὸν θεὸν Ἕλλησιν ὀλιγωροῦσι παιδείασ, οἱο͂ν ἐφυβρίζοντα τὴν ἀμαθίαν ἡμῶν καὶ κελεύοντα γεωμετρίασ ἅπτεσθαι μὴ παρέργωσ· "οὐ γάρ τοι φαύλησ οὐδ’ ἀμβλὺ διανοίασ ὁρώσησ ἄκρωσ δὲ τὰσ γραμμὰσ ἠσκημένησ ἔργον εἶναι δυεῖν μέσων ἀνάλογον λῆψιν· "μόνῃ διπλασιάζεται σχῆμα κυβικοῦ σώματοσ ἐκ πάσησ ὁμοίωσ αὐξόμενον διαστάσεωσ. "τοῦτο μὲν οὖν Εὔδοξον αὐτοῖσ τὸν Κνίδιον ἢ τὸν Κυζικηνὸν Ἑλίκωνα συντελέσειν· "μὴ τοῦτο δ’ οἰέσθαι χρῆναι ποθεῖν τὸν θεὸν ἀλλὰ προστάσσειν Ἕλλησι πᾶσι πολέμου καὶ κακῶν μεθεμένουσ Μούσαισ ὁμιλεῖν, καὶ διὰ λόγων καὶ μαθημάτων τὰ πάθη καταπραΰνοντασ ἀβλαβῶσ καὶ ὠφελίμωσ ἀλλήλοισ συμφέρεσθαι.

SEARCH

MENU NAVIGATION