Plutarch, De Pythiae oraculis, section 21

(플루타르코스, De Pythiae oraculis, section 21)

"ἀλλ’ αὖθισ ἄξιον μέν ἐστι διὰ μακροτέρων εἰπεῖν τι καὶ πυθέσθαι περὶ τούτων, τὰ δὲ νῦν ἐν βραχεῖ μαθόντεσ διαμνημονεύωμεν ὡσ σῶμα μὲν ὀργάνοισ χρῆται πολλοῖσ αὐτῷ δὲ σώματι ψυχὴ καὶ μέρεσι τοῖσ σώματοσ ψυχὴ δ’ ὄργανον θεοῦ γέγονεν ὀργάνου δ’ ἀρετὴ μάλιστα μιμεῖσθαι τὸ χρώμενον ᾗ πέφυκε δυνάμει καὶ παρέχειν τὸ ἔργον αὐτοῦ τοῦ νοήματοσ ἐν αὐτῷ δυναμένη, δεικνύναι δ’ οὐχ οἱο͂ν ἐν τῷ δημιουργῷ καθαρὸν καὶ ἀπαθὲσ καὶ ἀναμάρτητον, ἀλλὰ μεμιγμένον πολλῷ τῷ ἀλλοτρίῳ· "καθ’ ἑαυτὸ γὰρ ἄδηλον ἡμῖν, ἕτερον δὲ καὶ δι’ ἑτέρου φαινόμενον ἀναπίμπλαται τῆσ ἐκείνου φύσεωσ. "καὶ κηρὸν μὲν ἐῶ καὶ χρυσὸν ἄργυρόν τε καὶ χαλκόν, ὅσα τ’ ἄλλα πλαττομένησ οὐσίασ εἴδη δέχεται μὲν ἰδέαν μίαν ἐκτυπουμένησ ὁμοιότητοσ, ἄλλο δ’ ἄλλην ἀφ’ ἑαυτοῦ τῷ μιμήματι διαφορὰν προστίθησι καὶ τὰσ ἐν κατόπτροισ ἐπιπέδοισ τε καὶ κοίλοισ καὶ περιηγέσι φασμάτων καὶ εἰδώλων ἀφ’ ἑνὸσ εἴδουσ μυρίασ παρατυπώσεισ. "καὶ γάρ εἰσι οὐδὲν οὔτε μᾶλλον τὴν ἰδέαν ἐοίκεν οὔτε ὡσ ὄργανον χρῆσθαι φύσει γέγονεν εὐπειθέστερον σελήνησ· "λαμβάνουσα δὲ παρ’ ἡλίου τὸ λαμπρὸν καὶ πυρωπὸν οὐχ ὅμοιον ἀποπέμπει πρὸσ ἡμᾶσ, ἀλλὰ μιχθὲν αὐτῇ καὶ χρόαν μετέβαλε καὶ δύναμιν ἔσχεν ἑτέραν· "ἡ δὲ θερμότησ καὶ παντάπασιν ἐξοίχεται καὶ προλέλοιπε τὸ φῶσ ὑπ’ ἀσθενείασ. "οἶμαι δὲ σὲ γιγνώσκειν τὸ παρ’ Ἡρακλείτῳ λεγόμενον ὡσ ὁ ἄναξ, οὗ τὸ μαντεῖόν ἐστι τὸ ἐν Δελφοῖσ, οὔτε λέγει οὔτε κρύπτει ἀλλὰ σημαίνει. "πρόσλαβε δὲ τούτοισ εὖ λεγομένοισ καὶ νόησον τὸν ἐνταῦθα θεὸν χρώμενον τῇ Πυθίᾳ πρὸσ ἀκοήν, καθὼσ ἥλιοσ χρῆται σελήνῃ πρὸσ ὄψιν· "δείκνυσι μὲν γὰρ καὶ ἀναφαίνει τὰσ αὑτοῦ νοήσεισ, μεμιγμένασ δὲ δείκνυσι διὰ σώματοσ θνητοῦ καὶ ψυχῆσ ἡσυχίαν ἄγειν μὴ δυναμένησ μηδὲ τῷ κινοῦντι παρέχειν ἑαυτὴν ἀκίνητον ἐξ αὑτῆσ καὶ καθεστῶσαν, ἀλλ’ ὥσπερ ἐν σάλῳ ψοφοῦσαν καὶ συμπλεκομένην τοῖσ ἐν αὑτῇ κινήμασι καὶ πάθεσιν ἐπιταράττουσιν αὐτήν. ὡσ γὰρ οἱ δῖνοι τῶν ἅμα κύκλῳ καταφερομένων σωμάτων οὐκ ἐπικρατοῦσι βεβαίωσ, ἀλλὰ κύκλῳ μὲν ὑπ’ ἀνάγκησ φερομένων κάτω δὲ φύσει ῥεπόντων γίγνεταί τισ ἐξ ἀμφοῖν ταραχώδησ καὶ παράφοροσ ἑλιγμόσ, οὕτωσ ὁ καλούμενοσ ἐνθουσιασμὸσ ἐοίκε μῖξισ εἶναι κινήσεων δυοῖν, τὴν μὲν ὡσ πέπονθε τῆσ ψυχῆσ ἅμα τὴν δ’ ὡσ πέφυκε κινουμένησ. "ὅπου γὰρ ἀψύχοισ σώμασι καὶ κατὰ ταὐτὰ μονίμοισ οὐκ ἔστι χρήσασθαι παρ’ ὃ πέφυκε βιαζόμενον, οὐδὲ κινῆσαι σφαιρικῶσ κύλινδρον ἢ κυβικῶσ ἢ λύραν αὐλητικῶσ ἢ σάλπιγγα κιθαριστικῶσ· "ἀλλ’ οὐχ ἕτερον ὡσ ἐοίκε τὸ τεχνικῶσ ἑκάστῳ χρῆσθαι καὶ ὡσ πέφυκεν· "ἦπου τὸ ἔμψυχον καὶ αὐτοκίνητον ὁρμῆσ τε καὶ λόγου μετέχον ἄλλωσ ἄν τισ ἢ κατὰ τὴν ἐν αὐτῷ προϋπάρχουσαν ἕξιν ἢ δύναμιν ἢ φύσιν μεταχειρίσαιτο, μουσικῶσ κινῶν νοῦν ἄμουσον ἢ γραμματικῶσ τὸν ἀγράμματον ἢ λογίωσ τὸν ἐν λόγοισ ἀθεώρητον καὶ ἀνάσκητον; "οὐκ ἔστιν εἰπεῖν.

일치하는 문장이 없습니다.

SEARCH

MENU NAVIGATION