Plutarch, De Pythiae oraculis, section 18

(플루타르코스, De Pythiae oraculis, section 18)

"ὦ Βόηθε, καὶ μουσικώτερα δεῖ γὰρ μὴ μάχεσθαι πρὸσ τὸν θεὸν μηδ’ ἀναιρεῖν μετὰ τῆσ μαντικῆσ ἅμα τὴν πρόνοιαν καὶ τὸ θεῖον, ἀλλὰ τῶν ὑπεναντιοῦσθαι δοκούντων λύσεισ ἐπιζητεῖν τὴν δ’ εὐσεβῆ καὶ πάτριον μὴ προϊέσθαι πίστιν. "ἄριστε Σαραπίων οὐδὲ γὰρ φιλοσοφίαν ἀπεγιγνώσκομεν ὡσ ἀνῃρημένην παντάπασι, καὶ διεφθορυῖαν, ὅτι πρότερον μὲν ἐν ποιήμασιν ἐξέφερον οἱ φιλόσοφοι τὰ δόγματα καὶ τοὺσ λόγουσ, ὥσπερ Ὀρφεὺσ καὶ Ἡσίοδοσ καὶ Παρμενίδησ καὶ Ξενοφάνησ καὶ Ἐμπεδοκλῆσ καὶ Θαλῆσ· "ὕστερον δ’ ἐπαύσαντο καὶ πέπαυνται χρώμενοι μέτροισ πλὴν σοῦ· "διὰ σοῦ δ’ αὖθισ εἰσ φιλοσοφίαν ποιητικὴ κάτεισιν, ὄρθιον καὶ γενναῖον ἐγκελευομένη τοῖσ νέοισ. "οὐδ’ ἀστρολογίαν ἀδοξοτέραν ἐποίησαν οἱ περὶ Ἀρίσταρχον καὶ Τιμόχαριν καὶ Ἀρίστυλλον καὶ Ἵππαρχον καταλογάδην γράφοντεσ, ἐν μέτροισ πρότερον Εὐδόξου καὶ Ἡσιόδου καὶ Θαλοῦ γραφόντων, εἴ γε Θαλῆσ ἐποίησεν, ὡσ ἀληθῶσ εἰπεῖν, τὴν εἰσ αὐτὸν ἀναφερομένην Ἀστρολογίαν. "Πίνδαροσ δὲ καὶ περὶ τρόπου μελῳδίασ ἀμελουμένου · "καθ’ αὑτὸν ἀπορεῖν ὁμολογεῖ, καὶ θαυμάζειν ὅτι οὐδὲν γάρ ἐστι δεινὸν οὐδ’ ἄτοπον αἰτίασ ζητεῖν τῶν τοιούτων μεταβολῶν ἀναιρεῖν δὲ τὰσ τέχνασ καὶ τὰσ δυνάμεισ, ἄν τι κινηθῇ καὶ παραλλάξῃ τῶν κατὰ ταύτασ, οὐ δίκαιον.

일치하는 문장이 없습니다.

SEARCH

MENU NAVIGATION