Plutarch, De Herodoti malignitate, section 34

(플루타르코스, De Herodoti malignitate, section 34)

ἀργύριον λαβὼν Εὐρυβιάδῃ τε μετέδωκε καὶ Ἀδειμάντῳ τῷ Κορινθίων στρατηγῷ · ὅθι παῖδεσ Ἀθαναίων ἐβάλοντο φαεννὰν κρηπῖδ’ ἐλευθερίασ Ἡρόδοτοσ δέ, ὑφ’ οὗ κεκοσμῆσθαί τινεσ ἀξιοῦσι τὴν Ἑλλάδα, δωροδοκίασ καὶ κλοπῆσ ἔργον ἀποφαίνει τὴν νίκην ἐκείνην γενομένην καὶ τοὺσ Ἕλληνασ ἀκουσίωσ ἀγωνισαμένουσ, ὑπὸ τῶν στρατηγῶν ἐξαπατηθέντασ ἀργύριον λαβόντων.

καὶ τοῦτο πέρασ οὐ γέγονεν αὐτῷ τῆσ κακοηθείασ·

ἀλλὰ πάντεσ μὲν ἄνθρωποι σχεδὸν ὁμολογοῦσι ταῖσ ναυμαχίαισ αὐτόθι κρατοῦντασ τοὺσ Ἕλληνασ ὅμωσ ὑφέσθαι τοῦ Ἀρτεμισίου τοῖσ βαρβάροισ, τὰ περὶ Θερμοπύλασ ἀκούσαντασ·

οὐδὲ γὰρ ἦν ὄφελοσ ἐνταῦθα καθημένουσ φρουρεῖν τὴν θάλασσαν, ἐντὸσ Πυλῶν τοῦ πολέμου γεγονότοσ καὶ Ξέρξου τῶν παρόδων κρατοῦντοσ.

Ἡρόδοτοσ δέ, πρὶν ἀπαγγελῆναι τὸν Λεωνίδου θάνατον, ἤδη ποιεῖ τοὺσ Ἕλληνασ βουλευομένουσ ἀποδιδράσκειν· "τρηχέωσ δὲ περιεφθέντεσ, καὶ οὐχ ἣκιστα Ἀθηναῖοι, τῶν αἱ ἡμίσειαι τῶν νεῶν τετρωμέναι ἦσαν, δρησμὸν ἐβούλευον εἰσ τὴν Ἑλλάδα" καίτοι τὴν πρὸ τοῦ ἀγῶνοσ ἀναχώρησιν οὕτωσ ὀνομάσαι μᾶλλον δ’ ὀνειδίσαι δεδόσθω·

ὁ δὲ καὶ πρότερον δρασμὸν εἶπεν καὶ νῦν δρασμὸν ὀνομάζει καὶ μετ’ ὀλίγον πάλιν ἐρεῖ δρασμόν·

οὕτω πικρῶσ;

τῷ ῥήματι προσπέφυκε. "τοῖσ βαρβάροισι αὐτίκα μετὰ ταῦτα πλοίῳ ἦλθε ἀνὴρ Ἑστιαιεύσ, ἀγγέλλων τὸν δρησμὸν τὸν ἀπ’ Ἀρτεμισίου τῶν Ἑλλήνων οἱ δὲ ὑπὸ ἀπιστίησ τὸν μὲν ἀγγέλλοντα εἶχον ἐν φυλακῇ, νέασ δὲ ταχείασ ἀπέστειλαν προκατοψομένασ. τί σὺ λέγεισ; ἀποδιδράσκειν ὡσ κεκρατημένουσ, οὓσ οἱ πολέμιοι μετὰ τὴν μάχην ἀπιστοῦσι φεύγειν ὡσ πολὺ κρατοῦντασ; εἶτα πιστεύειν ἄξιον τούτῳ γράφοντι περὶ ἀνδρὸσ ἢ πόλεωσ μιᾶσ, ὃσ ἑνὶ ῥήματι τὸ νίκημα τῆσ Ἑλλάδοσ ἀφαιρεῖται καὶ τὸ τρόπαιον καθαιρεῖ καὶ τὰσ ἐπιγραφάσ, ἃσ ἔθεντο παρὰ τῇ Ἀρτέμιδι τῇ Προσηῴᾳ, κόμπον ἀποφαίνει καὶ ἀλαζονείαν;

ἔχει δ’ οὕτω τοὐπίγραμμα παντοδαπῶν ἀνδρῶν γενεὰσ Ἀσίασ ἀπὸ χώρασ παῖδεσ Ἀθηναίων τῷδέ ποτ’ ἐν πελάγει ναυμαχίᾳ δαμάσαντεσ, ἐπεὶ στρατὸσ ὤλετο Μήδων, σήματα ταῦτ’ ἔθεσαν παρθένῳ Ἀρτέμιδι.

ἐν μὲν οὖν ταῖσ μάχαισ οὐκ ἔταξε τοὺσ Ἕλληνασ οὐδ’ ἐδήλωσεν ἣν ἑκάστη πόλισ ἔχουσα χώραν ἐναυμάχησε, κατὰ δὲ τὸν ἀπόπλουν, ὃν αὐτὸσ δρασμὸν προσαγορεύει, πρώτουσ φησὶ Κορινθίουσ πλεῖν ὑστάτουσ δ’ Ἀθηναίουσ.

일치하는 문장이 없습니다.

SEARCH

MENU NAVIGATION