Plutarch, De Herodoti malignitate, section 15

(플루타르코스, De Herodoti malignitate, section 15)

καὶ μὴν τῶν ἑπτὰ σοφῶν, οὓσ αὐτὸσ σοφιστὰσ προσεῖπε, τὸν μὲν Θάλητα Φοίνικα τῷ γένει τὸ ἀνέκαθεν ἀποφαίνεται βάρβαρον · "ὦ Κροῖσε, ἐπιστάμενόν με τὸ θεῖον πᾶν ἐὸν φθονερόν τε καὶ ταραχῶδεσ ἐπειρωτᾷσ ἀνθρωπηίων πέρι πραγμάτων· ἃ γὰρ αὐτὸσ ἐφρόνει περὶ τῶν θεῶν τῷ Σόλωνι προστριβόμενοσ κακοήθειαν τῇ βλασφημίᾳ προστίθησι.

Πιττακῷ τοίνυν εἰσ μικρὰ καὶ οὐκ ἄξια λόγου χρησάμενοσ, ὃ μέγιστόν ἐστι τῶν πεπραγμένων τἀνδρὶ καὶ κάλλιστον, ἐν ταῖσ πράξεσι γενόμενοσ παρῆκε. πολεμούντων γὰρ Ἀθηναίων καὶ Μυτιληναίων περὶ Σιγείου καὶ Φρύνωνοσ τοῦ στρατηγοῦ τῶν Ἀθηναίων προκαλεσαμένου τὸν βουλόμενον εἰσ μονομαχίαν, ἀπήντησεν ὁ Πιττακὸσ καὶ δικτύῳ περιβαλὼν τὸν ἄνδρα ῥωμαλέον ὄντα καὶ μέγαν ἀπέκτεινε·

τῶν δὲ Μυτιληναίων δωρεὰσ αὐτῷ μεγάλασ διδόντων, ἀκοντίσασ τὸ δόρυ τοῦτο μόνον τὸ χωρίον ἠξίωσεν ὅσον ἐπέσχεν ἡ αἰχμὴ καὶ καλεῖται μέχρι νῦν Πιττάκειον.

τί οὖν ὁ Ἡρὸδοτοσ, κατὰ τὸν τόπον γενόμενοσ τοῦτον; ἀντὶ τῆσ Πιττακοῦ ἀριστείασ τὴν Ἀλκαίου διηγήσατο τοῦ ποιητοῦ φυγὴν ἐκ τῆσ μάχησ, τὰ ὅπλα ῥίψαντοσ τῷ τὰ μὲν χρηστὰ μὴ γράψαι τὰ δ’ αἰσχρὰ μὴ παραλιπεῖν μαρτυρήσασ τοῖσ ἀπὸ μιᾶσ·

φθόνον φύεσθαι καὶ τὴν ἐπιχαιρεκακίαν λέγουσι.

SEARCH

MENU NAVIGATION