Plutarch, De E apud Delphos, section 14

"τοσαύτασ δὲ καὶ τηλικαύτασ ἔχοντοσ τοῦ ἀριθμοῦ δυνάμεισ, καλὴ καὶ ἡ γένεσίσ ἐστιν, οὐχ ἣν ἤδη διήλθομεν, ἐκ δυάδοσ οὖσα καὶ τριάδοσ, ἀλλ’ ἣν ἡ ἀρχὴ τῷ πρώτῳ συνελθοῦσα τετραγώνῳ παρέσχεν. "ἀρχὴ μὲν γὰρ ἀριθμοῦ παντὸσ ἡ μονάσ, τετράγωνοσ δὲ πρῶτοσ ἡ τετράσ ἐκ δὲ τούτων, ὥσπερ ἰδέασ καὶ ὕλησ πέρασ ἐχούσησ, ἡ πεμπάσ. εἰ δὲ δὴ καὶ τὴν μονάδα τετράγωνον ὀρθῶσ ἔνιοι τίθενται, δύναμιν οὖσαν ἑαυτῆσ καὶ περαίνουσαν εἰσ ἑαυτήν, ἐκ δυεῖν πεφυκυῖα τῶν πρώτων τετραγώνων ἡ πεμπὰσ οὐκ ἀπολέλοιπεν ὑπερβολὴν εὐγενείασ.