Plutarch, chapter 30

(플루타르코스, chapter 30)

ὁρῶν οὖν ὁ Σουρήνασ τούσ τε Πάρθουσ ἀμβλύτερον ἤδη κινδυνεύοντασ, καὶ ἤν ἥ τε νὺξ ἐπίσχῃ καὶ τῶν ὀρῶν οἱ Ῥωμαῖοι λάβωνται, παντάπασιν αὐτοὺσ ἐσομένουσ ἀλήπτουσ, ἐπῆγε τῷ Κράσσῳ δόλον. ἔσχοντο δὲ μάχησ οἱ βάρβαροι, Σουρήνασ δὲ μετὰ τῶν ἀρίστων προσελάσασ ἀτρέμα τῷ λόφῳ τοῦ μὲν τόξου τὸν τόνον ἀνῆκε, τὴν δὲ δεξιὰν προὔτεινεν, ἐκάλει δὲ τὸν Κράσσον ἐπὶ συμβάσεισ, εἰπὼν ὅτι τῆσ μὲν ἀνδρείασ καὶ δυνάμεωσ ἄκοντοσ πεπείραται βασιλέωσ, πρᾳότητα δ’ αὐτοῖσ καὶ φιλοφροσύνην ἑκὼν ἐπιδείκνυται σπενδόμενοσ ἀπιοῦσι καὶ παρέχων σῴζεσθαι.

ταῦτα τοῦ Σουρήνα λέγοντοσ οἱ μὲν ἄλλοι προθύμωσ ἐδέξαντο καὶ περιχαρεῖσ ἦσαν, ὁ δὲ Κράσσοσ οὐδὲν ὅ τι μὴ δι’ ἀπάτησ ἐσφαλμένοσ ὑπ’ αὐτῶν, καὶ τὸ αἰφνίδιον τῆσ μεταβολῆσ ἄλογον ἡγούμενοσ, οὐχ ὑπήκουεν, ἀλλ’ ἐβουλεύετο.

"Ὀκταούϊε καὶ Πετρώνιε καὶ ὅσοι πάρεστε Ῥωμαίων ἄρχοντεσ, ὑμεῖσ ὁρᾶτε τῆσ ἐμῆσ ὁδοῦ τὴν ἀνάγκην, καὶ σύνιστε παρόντεσ ὡσ αἰσχρὰ πάσχω καὶ βίαια τοῖσ δ’ ἄλλοισ ἅπασιν ἀνθρώποισ λέγετε σωθέντεσ ὡσ Κράσσοσ ἀπατηθεὶσ ὑπὸ τῶν πολεμίων, οὐκ ἐκδοθεὶσ ὑπὸ τῶν πολιτῶν ἀπώλετο.

SEARCH

MENU NAVIGATION