헬라어 문장 검색 - Πλυταρ́Ξρασσυσ́29́

(플루타르코스, chapter 29)

ἡσθεὶσ οὖν ὁ Σουρήνασ ἐπὶ τῷ τοὺσ ἄνδρασ ἐνέχεσθαι τῇ πολιορκίᾳ, μεθ’ ἡμέραν ἐπῆγε τοὺσ Πάρθουσ πολλὰ καθυβρίζοντασ καὶ κελεύοντασ, εἰ βούλονται τυχεῖν σπονδῶν Ῥωμαῖοι, Κράσσον ἐγχειρίσαι σφίσι καὶ Κάσσιον δεδεμένουσ, οἱ δ’ ἤχθοντο μὲν ἠπατημένοι, μακρὰσ δὲ καὶ κενὰσ τὰσ Ἀρμενίων ἐλπίδασ καταβάλλειν τῷ Κράσσῳ φράσαντεσ εἴχοντο δρασμοῦ· καὶ τοῦτ’ ἔδει μηδένα πρὸ καιροῦ Καρρηνῶν πυθέσθαι, πυνθάνεται δ’ ὁ πάντων ἀπιστότατοσ Ἀνδρόμαχοσ, ὑπὸ Κράσσου καὶ τοῦτο πιστευθεὶσ καὶ τῆσ ὁδοῦ τὴν ἡγεμονίαν.

οὐδὲν οὖν ἔλαθε τοὺσ Πάρθουσ, ἐξαγγέλλοντοσ τοῦ Ἀνδρομάχου καθ’ ἕκαστον. ἐπεὶ δὲ νυκτομαχεῖν οὐ πάτριον αὐτοῖσ ἐστιν οὐδὲ ῥᾴδιον, ἐξῄει δὲ νύκτωρ ὁ Κράσσοσ, ὅπωσ μὴ καθυστερήσωσι πολὺ τῇ διώξει στρατηγῶν ὁ Ἀνδρόμαχοσ ἄλλοτε ἄλλασ ὁδοὺσ ὑφηγεῖτο, καὶ τέλοσ ἐξέτρεψεν εἰσ ἕλη βαθέα καὶ χωρία τάφρων μεστὰ τὴν πορείαν, χαλεπὴν καὶ πολυπλανῆ γινομένην τοῖσ ἐπισπομένοισ.

ἀπήλαυνεν εἰσ Συρίαν μεθ’ ἱππέων πεντακοσίων·

ἄλλοι δὲ χρησάμενοι πιστοῖσ ὁδηγοῖσ ἐλάβοντο χωρίων ὀρεινῶν, ἃ καλεῖται Σίννακα, καὶ κατέστησαν ἐν ἀσφαλεῖ πρὸ ἡμέρασ, οὗτοι περὶ πεντακισχιλίουσ ἦσαν ἡγεῖτο δ’ αὐτῶν ἀνὴρ ἀγαθὸσ Ὀκταούϊοσ.

τὸν δὲ Κράσσον ἡμέρα κατελάμβανεν ἐπιβουλευόμενον ὑπ’ Ἀνδρομάχου περὶ τὰσ δυσχωρίασ καὶ τὸ ἕλοσ. καὶ πρῶτοσ Ὀκταούϊοσ ἔθει μετ’ ὀλίγων ἄνωθεν ἐπιβοηθῶν, εἶτα οἱ λοιποὶ κακίσαντεσ ἑαυτοὺσ ἐπεφέροντο, καὶ προσπεσόντεσ καὶ ὠσάμενοι τοὺσ πολεμίουσ ἀπὸ τοῦ λόφου περιέσχον ἐν μέσῳ τὸν Κράσσον καὶ προεβάλλοντο τοὺσ θυρεούσ, μεγαληγοροῦντεσ ὡσ οὐκ ἔστι Πάρθοισ βέλοσ ὃ προσπεσεῖται τῷ σώματι τοῦ αὐτοκράτοροσ πρὶν ἢ σφᾶσ ἅπαντασ ὑπὲρ αὐτοῦ μαχομένουσ ἀποθανεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 29

(플루타르코스, chapter 29)

상위

목록

SEARCH

MENU NAVIGATION