헬라어 문장 검색 - Πλυταρ́Ξρασσυσ́28́

(플루타르코스, chapter 28)

οἱ δὲ Πάρθοι νυκτὸσ μὲν αἰσθόμενοι τὴν ἀπόδρασιν οὐκ ἐδίωκον, ἅμα δ’ ἡμέρᾳ τοὺσ μὲν ἐν τῷ στρατοπέδῳ καταλειφθέντασ οὐ μείουσ τετρακισχιλίων ἐπελθόντεσ ἀπέσφαξαν, ἐν δὲ τῷ πεδίῳ πλανωμένουσ πολλοὺσ ἱππασάμενοι συνέλαβον. τέσσαρασ δ’ ὁμοῦ σπείρασ, ἃσ ἔτι νυκτὸσ ἀπέρρηξε Βαργοντήιοσ ὁ πρεσβευτήσ, ἐκπεσούσασ τῆσ ὁδοῦ περισχόντεσ ἔν τινι λόφῳ διέφθειραν ἀμυνομένασ, πλὴν ἀνδρῶν εἴκοσιν.

τούτουσ δὲ γυμνοῖσ τοῖσ ξίφεσιν ὠθουμένουσ δι’ αὐτῶν θαυμάσαντεσ εἶξαν, καὶ διέξοδον ἀπιοῦσι βάδην εἰσ τὰσ Κάρρασ ἐδίδοσαν. τῷ δὲ Σουρήνᾳ προσέπεσε ψευδὴσ λόγοσ ἐκπεφευγέναι Κράσσον μετὰ τῶν ἀρίστων, τὸ δ’ εἰσ Κάρρασ συνερρυηκὸσ ὄχλον εἶναι σύμμικτον οὐκ ἀξίων σπουδῆσ ἀνθρώπων. οἰόμενοσ οὖν ἀποβεβληκέναι τὸ τῆσ νίκησ τέλοσ, ἔτι δ’ ἀμφιδοξῶν καὶ μαθεῖν βουλόμενοσ τἀληθέσ, ὅπωσ ἢ προσμένων ἐνταῦθα πολιορκοίη Κράσσον ἢ διώκοι χαίρειν ἐάσασ Καρρηνούσ, ὑποπέμπει τινὰ τῶν παρ’ αὐτῷ διγλώττων πρὸσ τὰ τείχη, κελεύσασ ἱέντα Ῥωμαϊκὴν διάλεκτον καλεῖν Κράσσον αὐτὸν ἢ Κάσσιον, ὡσ Σουρήνα διὰ λόγων ἐθέλοντοσ αὐτοῖσ συγγενέσθαι.

ταῦτα τοῦ διγλώττου φράσαντοσ, ὡσ ἀπηγγέλη τοῖσ περὶ Κράσσον, ἐδέχοντο τὰσ προκλήσεισ·

καὶ μετὰ μικρὸν ἧκον ἀπὸ τῶν βαρβάρων Ἄραβεσ, οἳ Κράσσον εὖ καὶ Κάσσιον ἀπ’ ὄψεωσ ἐγνώριζον, ἐν τῷ στρατοπέδῳ πρὸ τῆσ μάχησ γεγονότεσ. οὗτοι τὸν Κάσσιον ἰδόντεσ ἀπὸ τοῦ τείχουσ, ἔλεγον ὅτι Σουρήνασ σπένδεται καὶ δίδωσιν αὐτοῖσ φίλοισ οὖσι βασιλέωσ σῴζεσθαι, Μεσοποταμίαν ἐκλιποῦσιν· τοῦτο γὰρ ὁρᾶν λυσιτελὲσ ἀμφοτέροισ πρὸ τῆσ ἐσχάτησ ἀνάγκησ. δεξαμένου δὲ τοῦ Κασσίου, καὶ τόπον ὁρισθῆναι καὶ χρόνον ἀξιοῦντοσ, ἐν ᾧ συνίασι Σουρήνασ καὶ Κράσσοσ, οὕτω φάμενοι ποιήσειν ἀπήλαυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 28

(플루타르코스, chapter 28)

상위

목록

SEARCH

MENU NAVIGATION