헬라어 문장 검색 - Πλυταρ́Ξρασσυσ́23́

(플루타르코스, chapter 23)

λέγεται δὲ τῆσ ἡμέρασ ἐκείνησ τὸν Κράσσον οὐχ ὥσπερ ἔθοσ ἐστὶ Ῥωμαίων στρατηγοῖσ ἐν φοινικίδι προελθεῖν, ἀλλ’ ἐν ἱματίῳ μέλανι, καὶ τοῦτο μὲν εὐθὺσ ἀλλάξαι προνήσαντα, τῶν δὲ σημαιῶν ἐνίασ μόλισ ὥσπερ πεπηγυίασ πολλὰ παθόντασ ἀνελέσθαι τοὺσ φέροντασ. ἅπαντεσ μὲν οὖν ἐθορυβήθησαν, ὁ δὲ Κράσσοσ ἐξεπλάγη παντάπασι καὶ διὰ σπουδῆσ οὐ πάνυ καθεστηκὼσ παρέταττε, πρῶτον μέν, ὡσ οἱ περὶ Κάσσιον ἠξίουν, ἀραιὰν τὴν φάλαγγα τῶν ὁπλιτῶν ἐπὶ πλεῖστον ἀνάγων τοῦ πεδίου πρὸσ τὰσ κυκλώσεισ, τοὺσ δ’ ἱππεῖσ διανέμων τοῖσ κέρασιν ἔπειτα μετέδοξε, καὶ συναγαγὼν ἀμφίστομον ἐποίησε καὶ βαθὺ πλινθίον ἐν δώδεκα σπείραισ προερχομένησ τῶνπλευρῶν ἑκάστησ, παρὰ δὲ σπεῖραν ἴλην ἱππέων ἔταξεν, ὡσ μηδὲν ἔχοι μέροσ ἐνδεὲσ ἱππικῆσ βοηθείασ, ἀλλὰ πανταχόθεν ὁμαλῶσ προσφέροιτο πεφραγμένοσ.

τῶν δὲ κεράτων τὸ μὲν Κασσίῳ, τὸ δὲ τῷ νέῳ Κράσσῳ παρέδωκεν, αὐτὸσ δ’ εἰσ μέσον κατέστη.

καὶ προάγοντεσ οὕτωσ ἐπὶ ῥεῖθρον ἦλθον ὃ καλεῖται Βάλισσοσ, οὐ πολὺ μὲν ἄλλωσ οὐδὲ ἄφθονον, ἀσμένοισ δὲ τότε τοῖσ στρατιώταισ φανὲν ἐν αὐχμῷ καὶ καύματι καὶ παρὰ τὴν ἄλλην ἐπίπονον καὶ ἄνυδρον πορείαν. οἱ μὲν οὖν πλεῖστοι τῶν ἡγεμόνων ᾤοντο δεῖν ἐνταῦθα καταυλισαμένουσ καὶ νυκτερεύσαντασ καὶ πυθομένουσ, ἐφ’ ὅσον οἱο͂́ν τε, πλῆθοσ καὶ τάξιν τῶν πολεμίων, ἅμ’ ἡμέρᾳ χωρεῖν ἐπ’ αὐτούσ·

Κράσσοσ δὲ τῷ παιδὶ καὶ τοῖσ περὶ αὐτὸν ἱππεῦσιν ἐγκελευομένοισ ἄγειν καὶ συνάπτειν ἐπαρθείσ ἐκέλευσεν ἑστῶτασ ἐν τάξει φαγεῖν καὶ πιεῖν τοὺσ δεομένουσ. καὶ πρὶν ἢ τοῦτο διὰ πάντων γενέσθαι καλῶσ, ἦγεν οὐ σχέδην οὐδ’ ὡσ ἐπὶ μάχην διαναπαύων, ἀλλ’ ὀξείᾳ καὶ συντόνῳ χρώμενοσ τῇ πορείᾳ μέχρι οὗ κατώφθησαν οἱ πολέμιοι, παρὰ δόξαν οὔτε πολλοὶ φανέντεσ οὔτε σοβαροὶ τοῖσ Ῥωμαίοισ.

τὸ μὲν γὰρ πλῆθοσ ὑπέστειλε τοῖσ προτάκτοισ Σουρήνασ, τὴν δὲ λαμπρότητα κατέκρυβε τῶν ὅπλων ἱμάτια καὶ διφθέρασ προίσχεσθαι κελεύσασ. ὡσ δ’ ἐγγὺσ ἐγένοντο καὶ σημεῖον ἤρθη παρὰ τοῦ στρατηγοῦ, πρῶτον μὲν ἐπίμπλαντο φθογγῆσ βαρείασ καὶ βρόμου φρικώδουσ τὸ πεδίον. Πάρθοι γὰρ οὐ κέρασιν οὐδὲ σάλπιγξιν ἐποτρύνουσιν ἑαυτοὺσ εἰσ μάχην, ἀλλὰ ῥόπτρα βυρσοπαγῆ καὶ κοῖλα περιτείναντεσ ἠχείοισ χαλκοῖσ ἅμα πολλαχόθεν ἐπιδουποῦσι, τὰ δὲ φθέγγεται βύθιόν τι καὶ δεινόν, ὠρυγῇ θηριώδει καὶ τραχύτητι βροντῆσ μεμιγμένον, εὖ πωσ συνεωρακότεσ ὅτι τῶν αἰσθητηρίων ἀκοὴ ταρακτικώτατόν ἐστὶ τῆσ ψυχῆσ καὶ τὰ περὶ ταύτην πάθη τάχιστα κινεῖ καὶ μάλιστα ἐξίστησι τὴν διάνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 23

(플루타르코스, chapter 23)

상위

목록

SEARCH

MENU NAVIGATION