Plutarch, chapter 10

(플루타르코스, chapter 10)

ταῦθ’ ἡ βουλὴ πυθομένη τοὺσ μὲν ὑπάτουσ πρὸσ ὀργὴν ἐκέλευσεν ἡσυχίαν ἄγειν, Κράσσον δὲ τοῦ πολέμου στρατηγὸν εἵλετο καὶ πολλοὶ διὰ δόξαν αὐτῷ καὶ φιλίαν συνεστράτευον τῶν ἐπιφανῶν, αὐτὸσ μὲν οὖν ὑπέμεινε πρὸ τῆσ Πικηνίδοσ ὡσ τὸν Σπάρτακον ἐκεῖ φερόμενον δεξόμενοσ, Μόμμιον δὲ πρεσβευτὴν ἄγοντα δύο τάγματα κύκλῳ περιέπεμψεν, ἕπεσθαι κελεύσασ τοῖσ πολεμίοισ, συμπλέκεσθαι δὲ μὴ μηδὲ ἁψιμαχεῖν. ὁ δ’ ἅμα τῷ πρῶτον ἐπ’ ἐλπίδοσ γενέσθαι μάχην θέμενοσ ἡττήθη·

καὶ πολλοὶ μὲν ἔπεσον, πολλοὶ δὲ ἄνευ τῶν ὅπλων φεύγοντεσ ἐσώθησαν. ὁ δὲ Κράσσοσ αὐτόν τε τὸν Μόμμιον ἐδέξατο τραχέωσ, καὶ τοὺσ στρατιώτασ ὁπλίζων αὖθισ ἐγγυητὰσ ᾔτει τῶν ὅπλων, ὅτι φυλάξουσι, πεντακοσίουσ δὲ τοὺσ πρώτουσ, καὶ μάλιστα τοὺσ τρέσαντασ, εἰσ πεντήκοντα διανείμασ δεκάδασ ἀφ’ ἑκάστησ ἀπέκτεινεν ἕνα τὸν κλήρῳ λαχόντα, πάτριόν τι τοῦτο διὰ πολλῶν χρόνων κόλασμα τοῖσ στρατιώταισ ἐπαγαγών. καὶ γὰρ αἰσχύνη τοῦ θανάτου τῷ τρόπῳ πρόσεστι, καὶ δρᾶται πολλὰ φρικώδη καὶ σκυθρωπὰ περὶ τὴν κόλασιν ἁπάντων θεωμένων.

οὕτω δ’ ἐπιστρέψασ τοὺσ ἄνδρασ ἦγεν ἐπὶ τοὺσ πολεμίουσ. ὁ δὲ Σπάρτακοσ ὑπεξεχώρει διὰ Λευκανίασ εἰσ τὴν θάλασσαν ἐν δὲ πορθμῷ λῃστρίσι Κιλίσσαισ ἐπιτυχὼν ὡρ́μησεν ἅψασθαι Σικελίασ καὶ δισχιλίουσ ἄνδρασ ἐμβαλὼν εἰσ τὴν νῆσον αὖθισ ἐκζωπυρῆσαι τὸν δουλικὸν ἐκεῖ πόλεμον, οὔπω πολὺν χρόνον ἀπεσβηκότα καὶ μικρῶν πάλιν ὑπεκκαυμάτων δεόμενον. ὁμολογήσαντεσ δὲ οἱ Κίλικεσ αὐτῷ καὶ δῶρα λαβόντεσ ἐξηπάτησαν καὶ ἀπέπλευσαν.

οὕτω δὴ πάλιν ἀπὸ θαλάσσησ ἀναζεύξασ ἐκάθισε τὸν στρατὸν εἰσ τὴν Ῥηγίνων χερρόνησον. μέγα μὲν οὖν ἦν καὶ χαλεπὸν τὸ ἔργον, ἤνυσε δὲ καὶ κατειργάσατο παρὰ δόξαν ἐν ὀλίγῳ χρόνῳ, τάφρον ἐμβαλὼν ἐκ θαλάσσησ εἰσ θάλασσαν διὰ τοῦ αὐχένοσ σταδίων τριακοσίων, εὖροσ δὲ καὶ βάθοσ ἴσον πεντεκαίδεκα ποδῶν ὑπὲρ δὲ τῆσ τάφρου τεῖχοσ ἔστησεν ὕψει καὶ ῥώμῃ θαυμαστόν.

ὧν ὁ Σπάρτακοσ ἡμέλει καὶ κατεφρόνει τὸ πρῶτον ὡσ δὲ τῆσ λείασ ἐπιλειπούσησ προϊέναι βουλόμενοσ συνεῖδε τὸν ἀποτειχισμόν καὶ λαμβάνειν οὐδὲν ἦν ἐκ τῆσ χερρονήσου, νύκτα νιφετώδη καὶ πνεῦμα τι χειμέριον παραφυλάξασ ἔχωσε τῆσ τάφρου μέροσ οὐ πολὺ γῇ καὶ ὕλῃ καὶ κλάδοισ δένδρων, ὥστε τῆσ στρατιᾶσ περαιῶσαι τὸ τρίτον.

SEARCH

MENU NAVIGATION