Plutarch, Comparison of Pelopidas and Marcellus, chapter 2

(플루타르코스, Comparison of Pelopidas and Marcellus, chapter 2)

ἐπεὶ τοίνυν Πελοπίδασ μὲν οὐδεμίαν ἡττήθη μάχην στρατηγῶν, Μάρκελλοσ δὲ πλείστασ τῶν καθ’ αὑτὸν Ῥωμαίων ἐνίκησε, δόξειεν ἂν ἴσωσ τῷ δυσνικήτῳ πρὸσ τὸ ἀήττητον ὑπὸ πλήθουσ τῶν κατωρθωμένων ἐπανισοῦσθαι. καὶ μὴν οὗτοσ μὲν εἷλε Συρακούσασ, ἐκεῖνοσ δὲ τῆσ Λακεδαίμονοσ ἀπέτυχεν. ἀλλ’ οἶμαι μεῖζον εἶναι τοῦ καταλαβεῖν Σικελίαν τὸ τῇ Σπάρτῃ προσελθεῖν καὶ διαβῆναι πρῶτον ἀνθρώπων πολέμῳ τὸν Εὐρώταν, εἰ μὴ νὴ Δία τοῦτο μὲν φήσει τισ τὸ ἔργον Ἐπαμεινώνδᾳ μᾶλλον ἢ Πελοπίδᾳ προσήκειν, ὥσπερ καὶ τὰ Λεῦκτρα, τῶν δὲ Μαρκέλλῳ διαπεπραγμένων ἀκοινώνητον εἶναι τὴν δόξαν. καὶ γὰρ Συρακούσασ μόνοσ εἷλε, καὶ Κελτοὺσ ἄνευ τοῦ συνάρχοντοσ ἐτρέψατο, καὶ πρὸσ Ἀννίβαν μηδενὸσ συλλαμβάνοντοσ, ἀλλὰ καὶ πάντων ἀποτρεπόντων, ἀντιταξάμενοσ καὶ μεταβαλὼν τὸ σχῆμα τοῦ πολέμου πρῶτοσ ἡγεμὼν τοῦ τολμᾶν κατέστη.

상위

Plutarch (플루타르코스)

목록

SEARCH

MENU NAVIGATION