Plutarch, Comparison of Pelopidas and Marcellus, chapter 1

(플루타르코스, Comparison of Pelopidas and Marcellus, chapter 1)

ὅσα μὲν οὖν ἔδοξεν ἡμῖν ἀναγραφῆσ ἄξια τῶν ἱστορημένων περὶ Μαρκέλλου καὶ Πελοπίδου, ταὐτά ἔστι. τῶν δὲ κατὰ τὰσ φύσεισ καὶ τὰ ἤθη κοινοτήτων ὥσπερ ἐφαμίλλων οὐσῶν καὶ γὰρ ἀνδρεῖοι καὶ φιλόπονοι καὶ θυμοειδεῖσ καὶ μεγαλόφρονεσ ἀμφότεροι γεγόνασιν, ἐκεῖνο δόξειεν ἂν διαφορὰν ἔχειν μόνον, ὅτι Μάρκελλοσ μὲν ἐν πολλαῖσ πόλεσιν ὑποχειρίοισ γενομέναισ σφαγὰσ ἐποίησεν, Ἐπαμεινώνδασ δὲ καὶ Πελοπίδασ οὐδένα πώποτε κρατήσαντεσ ἀπέκτειναν οὐδὲ πόλεισ ἠνδραποδίσαντο. λέγονται δὲ Θηβαῖοι μηδὲ Ὀρχομενίουσ ἂν οὕτω μεταχειρίσασθαι παρόντων ἐκείνων· ἐν δὲ ταῖσ πράξεσι θαυμαστὰ μὲν καὶ μεγάλα τοῦ Μαρκέλλου τὰ πρὸσ Κελτούσ, ὠσαμένου τοσοῦτον πλῆθοσ ἱππέων ὁμοῦ καὶ πεζῶν ὀλίγοισ τοῖσ περὶ αὐτὸν ἱππεῦσιν, ὃ ῥᾳδίωσ ὑφ’ ἑτέρου στρατηγοῦ γεγονὸσ οὐχ ἱστόρηται, καὶ τὸν ἄρχοντα τῶν πολεμίων ἀνελόντοσ·

ἐν ᾧ τρόπῳ Πελοπίδασ ἔπταισεν ὁρμήσασ ἐπὶ ταὐτά, προαναιρεθεὶσ δὲ ὑπὸ τοῦ τυράννου καὶ παθὼν πρότερον ἢ δράσασ. οὐ μὴν ἀλλὰ τούτοισ μὲν ἔστι παραβαλεῖν τὰ Λεῦκτρα καὶ Τεγύρασ, ἐπιφανεστάτουσ καὶ μεγίστουσ ἀγώνων, κρυφαίαν δὲ σὺν λόχῳ κατωρθωμένην πρᾶξιν οὐκ ἔχομεν τοῦ Μαρκέλλου παραβαλεῖν οἷσ Πελοπίδασ περὶ τὴν ἐκ φυγῆσ κάθοδον καὶ ἀναίρεσιν τῶν ἐν Θήβαισ τυράννων ἔπραξεν, ἀλλ’ ἐκεῖνο πολὺ πάντων ἐοίκε πρωτεύειν τῶν ὑπὸ σκότῳ καὶ δι’ ἀπάτησ γεγενημένων τὸ ἔργον.

Ἀννίβασ φοβερὸσ μὲν καὶ δεινὸσ ἐνέκειτο Ῥωμαίοισ, ὥσπερ ἀμέλει Λακεδαιμόνιοι τότε Θηβαίοισ, ἐνδοῦναι δὲ τούτουσ μὲν Πελοπίδᾳ καὶ περὶ Τεγύρασ καὶ περὶ Λεῦκτρα βέβαιόν ἐστιν, Ἀννίβαν δὲ Μάρκελλοσ, ὡσ μὲν οἱ περὶ Πολύβιον λέγουσιν, οὐδὲ ἅπαξ ἐνίκησεν, ἀλλ’ ἀήττητοσ ὁ ἁνὴρ δοκεῖ διαγενέσθαι μέχρι Σκηπίωνοσ·

ἡμεῖσ δὲ Λιβίῳ, Καίσαρι καὶ Νέπωτι καὶ τῶν Ἑλληνικῶν τῷ βασιλεῖ Ιὄβᾳ πιστεύομεν, ἥττασ τινὰσ καὶ τροπὰσ ὑπὸ Μαρκέλλου τῶν σὺν Ἀννίβᾳ, γενέσθαι·

μεγάλην δὲ αὗται ῥοπὴν οὐδεμίαν ἐποίησαν, ἀλλ’ ἐοίκε ψευδόπτωμά τι γενέσθαι περὶ τὸν Λίβυν ἐν ταῖσ συμπλοκαῖσ ἐκείναισ. ὃ δὴ κατὰ λόγον καὶ προσηκόντωσ ἐθαυμάσθη, μετὰ τοσαύτασ τροπὰσ στρατοπέδων καὶ φόνουσ στρατηγῶν καὶ σύγχυσιν ὅλησ ὁμοῦ τῆσ Ῥωμαίων ἡγεμονίασ εἰσ ἀντίπαλα τῷ θαρρεῖν καθισταμένων·

ὁ γὰρ ἐκ πολλοῦ τοῦ πάλαι περιδεοῦσ καὶ καταπεπληγότοσ αὖθισ ἐμβαλὼν τῷ στρατεύματι ζῆλον καὶ φιλονεικίαν πρὸσ τοὺσ πολεμίουσ, καὶ τοῦτο δὴ τὸ μὴ ῥᾳδίωσ τῆσ νίκησ ὑφιέμενον, ἀλλὰ καὶ ἀμφισβητοῦν τε καὶ φιλοτιμούμενον ἐπάρασ καὶ θαρρύνασ, εἷσ ἀνὴρ ἦν, Μάρκελλοσ· εἰθισμένουσ γὰρ ὑπὸ τῶν συμφορῶν, εἰ φεύγοντεσ ἐκφύγοιεν Ἀννίβαν, ἀγαπᾶν, ἐδίδαξεν αἰσχύνεσθαι σῳζομένουσ μεθ’ ἥττησ, αἰδεῖσθαι δὲ παρὰ μικρὸν ἐνδόντασ, ἀλγεῖν δὲ μὴ κρατήσαντασ.

상위

Plutarch (플루타르코스)

목록

SEARCH

MENU NAVIGATION