헬라어 문장 검색 - Πλυταρ́Ξατοτηέ70́

(플루타르코스, Cato the Younger, chapter 70)

πρὸσ ταῦτά μηθὲν ἀντειπόντεσ οἱ περὶ τὸν Δημήτριον, ἀλλὰ δακρύσαντεσ ὑπεξῆλθον. εἰσπέμπεται δὲ διὰ παιδίου μικροῦ τὸ ἐγχειρίδιον καὶ λαβὼν ἐσπάσατο καὶ κατενόησεν. τὸ μὲν ξίφοσ ἔθηκε, τὸ δὲ βιβλίον αὖθισ ἀνεγίνωσκε, καὶ λέγεται δὶσ ὅλον διεξελθεῖν. εἶτα κοιμηθεὶσ ὕπνον βαθύν, ὥστε τοὺσ ἐκτὸσ αἰσθέσθαι, περὶ μέσασ νύκτασ ἐκάλει τῶν ἀπελευθέρων Κλεάνθην τὸν ἰατρὸν καὶ Βούταν, ᾧ μάλιστα πρὸσ τὰσ πολιτικὰσ πράξεισ ἐχρῆτο.

καὶ τοῦτον μὲν ἐπὶ θάλατταν ἔπεμψεν, ὅπωσ σκεψάμενοσ εἰ πάντεσ ἀνηγμένοι τυγχάνουσι, φράσοι πρὸσ αὐτόν τῷ δὲ ἰατρῷ τὴν χεῖρα φλεγμαίνουσαν ὑπὸ τῆσ πληγῆσ ἣν ἔπληξε τὸν οἰκέτην, ἐπιδῆσαι παρέσχε, καὶ τοῦτ’ ἐποίησεν ἡδίουσ ἅπαντασ, ὡσ ζωτικῶσ ἔχοντοσ αὐτοῦ. μετ’ ὀλίγον δὲ παρῆν ὁ Βούτασ ἀπαγγέλλων τοὺσ μὲν ἄλλουσ ἀνῆχθαι, Κράσσον δὲ λείπεσθαι ὑπὸ ἀσχολίασ τινόσ, ὅσον δὲ οὔπω καὶ τοῦτον ἐμβαίνειν, πολὺν δὲ χειμῶνα καὶ μέγα πνεῦμα κατέχειν τὴν θάλατταν. τοῦτο ἀκούσασ ὁ Κάτων ἐστέναξεν οἴκτῳ τῶν πλεόντων, καὶ πάλιν ἔπεμψε τὸν Βούταν ἐπὶ θάλατταν, εἴ τισ ἄρα παλινδρομήσασ δέοιτό τινοσ τῶν ἀναγκαίων, ἀπαγγελοῦντα πρὸσ αὐτόν.

ἤδη δὲ ὄρνιθεσ ᾖδον, καὶ μικρὸν αὖθισ κατηνέχθη πρὸσ ὕπνον.

ἐπανελθόντοσ δὲ τοῦ Βούτα καὶ φράσαντοσ πολλὴν ἡσυχίαν περὶ τοὺσ λιμένασ εἶναι, προσέταξεν αὐτῷ τὴν θύραν κλεῖσαι, καὶ καθῆκεν ἑαυτὸν εἰσ τὸ κλινίδιον ὡσ τὸ λοιπὸν ἔτι τῆσ νυκτὸσ ἀναπαυσόμενοσ. ἐξελθόντοσ δὲ τοῦ Βούτα σπασάμενοσ τὸ ξίφοσ ἐώσε μὲν ὑπὸ τὸ στῆθοσ, τῇ δὲ χειρὶ κουφότερον διὰ τὴν φλεγμονὴν χρησάμενοσ οὐκ εὐθὺσ ἀπήλλαξεν ἑαυτόν, ἀλλὰ δυσθανατῶν ἐξέπεσε τῆσ κλίνησ καὶ ψόφον ἐποίησε, καταβαλὼν ἀβάκιόν τι τῶν γεωμετρικῶν παρακείμενον, ὥστε τοὺσ θεράποντασ αἰσθομένουσ ἀναβοῆσαι καὶ τὸν υἱὸν αὐτίκα καὶ τοὺσ φίλουσ ἐπεισελθεῖν.

ἰδόντεσ δὲ πεφυρμένον αἵματι καὶ τῶν ἐντέρων τὰ πολλὰ προπεπτωκότα, ζῶντα δ’ αὐτόν ἔτι καὶ βλέποντα, δεινῶσ μὲν ἅπαντεσ ἔσχον, ὁ δὲ ἰατρὸσ προσελθὼν ἐπειρᾶτο τῶν ἐντέρων ἀτρώτων διαμεινάντων ταῦτά τε καθιστάναι καὶ τὸ τραῦμα διαρράπτειν.

ὡσ οὖν ἀνήνεγκεν ὁ Κάτων καὶ συνεφρόνησε, τὸν μὲν ἰατρὸν ἀπεώσατο, ταῖσ χερσὶ δὲ τὰ ἔντερα σπαράξασ καὶ τὸ τραῦμα ἐπαναρρήξασ ἀπέθανεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cato the Younger, chapter 70

(플루타르코스, Cato the Younger, chapter 70)

상위

목록

SEARCH

MENU NAVIGATION