Ancient Greek Text

Plutarch, Cato the Younger, chapter 57

(플루타르코스, Cato the Younger, chapter 57)

τὰ δὲ πράγματα κακῶσ εἶχε τοῖσ περὶ Σκηπίωνα καί Οὐᾶρον, ἐκ διαφορᾶσ καί στάσεωσ ὑποδυομένοισ καί θεραπεύουσι τὸν Ιὄβαν, οὐκ ἀνεκτὸν ὄντα βαρύτητι φρονήματοσ καί ὄγκῳ διὰ πλοῦτον καί δύναμιν ὅσ γε Κάτωνι πρῶτον ἐντυγχάνειν μέλλων μέσον ἔθηκε τὸν ἑαυτοῦ θρόνον τοῦ Σκηπίωνοσ καί τοῦ Κάτωνοσ, ὁ μέντοι Κάτων ὡσ εἶδεν, ἄρασ τὸν ἑαυτοῦ μετέθηκεν ἐπὶ θάτερα, μέσον λαμβάνων τὸν Σκηπίωνα, καίπερ ἐχθρὸν ὄντα καί τι καί βιβλίον ἐκδεδωκότα βλασφημίασ ἔχον τοῦ Κάτωνοσ, εἶτα τοῦτο μὲν εἰσ οὐδένα τίθενται λόγον, εἰ δὲ Φιλόστρατον ἐν Σικελίᾳ μέσον εἶχε περιπατῶν ἐπὶ τιμῇ φιλοσοφίασ, ἐγκαλοῦσι. τότε δ’ οὖν καί τὸν Ιὄβαν ἔπαυσε μονονουχὶ σατράπασ πεποιημένον ἑαυτοῦ τοὺσ περὶ τὸν Σκηπίωνα, κἀκείνουσ διήλλαξεν.

ἀξιούντων δὲ πάντων ἄρχειν αὐτόν, καὶ πρώτων τῶν περὶ Σκηπίωνα καί Οὐᾶρον ἐξισταμένων καί παραδιδόντων τὴν ἡγεμονίαν, οὐκ ἔφη καταλύσειν τοὺσ νόμουσ περὶ ὧν τῷ καταλύοντι πολεμοῦσιν, οὐδὲ ἑαυτὸν ἀντιστράτηγον ὄντα παρόντοσ ἀνθυπάτου προτάξειν.

ἀνθύπατοσ γὰρ ὁ Σκηπίων ἀπεδέδεικτο, καί θάρσοσ εἶχον οἱ πολλοὶ διὰ τοὔνομα, κατορθώσειν ἄρχοντοσ ἐν Λιβύῃ Σκηπίωνοσ.