헬라어 문장 검색 - Πλυταρ́Ξατοτηέ54́

(플루타르코스, Cato the Younger, chapter 54)

ἐκπεμφθεὶσ δὲ εἰσ Ἀσίαν, ὡσ τοῖσ ἐκεῖ συνάγουσι πλοῖα καὶ στρατιὰν ὠφέλιμοσ γένοιτο, Σερβιλίαν ἐπηγάγετο τὴν ἀδελφὴν καὶ τὸ Λευκούλλου παιδίον ἐξ ἐκείνησ γεγονόσ, ἠκολούθησε γὰρ αὐτῷ χηρεύουσα, καὶ πολὺ τῶν εἰσ τὸ ἀκόλαστον αὐτῆσ διαβολῶν ἀφεῖλεν ὑποδῦσα τὴν ὑπὸ Κάτωνι φρουρὰν καὶ πλάνην καὶ δίαιταν ἑκουσίωσ, ἀλλ’ ὅ γε Καῖσαρ οὐδὲ τῶν ἐπ’ ἐκείνῃ βλασφημιῶν τοῦ Κάτωνοσ ἐφείσατο. ἔνθα δὴ καὶ μάλιστα τῆσ γνώμησ κατάφωροσ ἔδοξε γεγονέναι Πομπήϊοσ, ὡρ́μησε μὲν γὰρ ἐγχειρίσαι τῷ Κάτωνι τὴν τῶν νεῶν ἡγεμονίαν ἦσαν δὲ πεντακοσίων μὲν οὐκ ἐλάττουσ αἱ μάχιμοι, λιβυρνικὰ δὲ καὶ κατασκοπικὰ καὶ ἄφρακτα παμπληθῆ·

ταχὺ δὲ ἐννοήσασ ἢ διδαχθεὶσ ὑπὸ τῶν φίλων ὡσ ἕν ἐστι κεφάλαιον Κάτωνι πάσησ πολιτείασ ἐλευθερῶσαι τὴν πατρίδα, κἂν γένηται κύριοσ τηλικαύτησ δυνάμεωσ, ἧσ ἂν ἡμέρασ καταγωνίσωνται Καίσαρα, τῆσ αὐτῆσ ἐκείνησ ἀξιώσει καὶ Πομπήϊον τὰ ὅπλα καταθέσθαι καὶ τοῖσ νόμοισ ἕπεσθαι, μετέγνω, καίπερ ἤδη διειλεγμένοσ αὐτῷ, καὶ Βύβλον ἀπέδειξε ναύαρχον.

οὐ μὴν ᾔσθετό γε παρὰ τοῦτο τῆσ προθυμίασ τοῦ Κάτωνοσ ἀμβλυτέρασ·

καὶ τελευτῶντα τρέψαντοσ τὸν λόγον εἰσ θεῶν ἀνάκλησιν, ὡσ παρόντων καὶ ἐφορώντων τὸν ὑπὲρ τῆσ πατρίδοσ ἀγῶνα, τηλικοῦτον ἀλαλαγμὸν γενέσθαι καὶ τοσοῦτον κίνημα τῆσ στρατιᾶσ ἐπαρθείσησ ὥστε πάντασ ἐλπίδων μεστοὺσ ἐπὶ τὸν κίνδυνον ὁρμῆσαι τοὺσ ἡγεμόνασ, τρεψαμένων δὲ καὶ κρατησάντων ἀφείλετο τὴν παντελῆ νίκην ὁ Καίσαροσ δαίμων, τῇ Πομπηϊού χρησάμενοσ εὐλαβείᾳ καὶ ἀπιστίᾳ περὶ τὸ εὐτύχημα.

ταῦτα μὲν οὖν ἐν τοῖσ περὶ Πομπηϊού γέγραπται.

χαιρόντων δὲ πάντων καὶ μεγαλυνόντων τὸ ἔργον ὁ Κάτων ἀπεδάκρυε τὴν πατρίδα, καὶ τὴν ὀλέθριον καὶ κακοδαίμονα φιλαρχίαν ὠδύρετο, πολλοὺσ καὶ ἀγαθοὺσ ὁρῶν πολίτασ ὑπ’ ἀλλήλων πεπτωκότασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cato the Younger, chapter 54

(플루타르코스, Cato the Younger, chapter 54)

상위

목록

SEARCH

MENU NAVIGATION