호흡부호 보기
강세부호 보기
장단부호 보기
작은 Iota 보기
모든 부호 보기
ἀπ’ ἐκείνησ δὲ λέγεται τῆσ ἡμέρασ μήτε κεφαλὴν ἔτι κείρασθαι μήτε γένεια μήτε στέφανον ἐπιθέσθαι, πένθουσ δὲ καὶ κατηφείασ καὶ βαρύτητοσ ἐπὶ ταῖσ συμφοραῖσ τῆσ πατρίδοσ ἓν σχῆμα νικώντων ὁμοίωσ καὶ νικωμένων ἄχρι τελευτῆσ διαφυλάξαι. τότε δὲ κλήρῳ λαχὼν Σικελίαν διέβη μὲν εἰσ Συρακούσασ, πυθόμενοσ δὲ Ἀσίννιον Πολλίωνα παρὰ τῶν πολεμίων ἀφῖχθαι μετὰ. δυνάμεωσ εἰσ Μεσσήνην ἔπεμψε, λόγον ἀπαιτῶν παρ’ αὐτοῦ τῆσ διαβάσεωσ. ἀνταπαιτηθεὶσ δὲ λόγον ὑπ’ ἐκείνου τῆσ τῶν πραγμάτων μεταβολῆσ, καὶ Πομπήϊον ἀκούσασ ἐκλελοιπότα παντελῶσ Ἰταλίαν ἐν Δυρραχίῳ στρατοπεδεύειν, πολὺν ἔφη περὶ τὰ θεῖα πλάνον εἶναι καὶ ἀσάφειαν, εἰ Πομπήϊον ἐν οἷσ ὑγιὲσ οὐδὲν οὐδὲ δίκαιον ἔπραττεν ἀήττητον γενόμενον νῦν, ὅτε τὴν πατρίδα βούλεται σῴζειν καὶ τῆσ ἐλευθερίασ ὑπερμάχεται, προλέλοιπε τὸ εὐτυχεῖν.
Ἀσίννιον μὲν οὖν ἔφη δυνατὸσ εἶναι Σικελίασ ἐκβαλεῖν, ἄλλησ δὲ μείζονοσ ἐπερχομένησ δυνάμεωσ οὐ βούλεσθαι τὴν νῆσον ἐμπολεμῶν ἀπολέσαι, χωρεῖν δὲ πρὸσ τὸ κρατοῦν καὶ σῴζεσθαι παραινέσασ Συρακουσίοισ ἐξέπλευσεν.
ἀφικόμενοσ δὲ πρὸσ Πομπήϊον ἀεὶ μὲν εἴχετο μιᾶσ γνώμησ, χρονοτριβεῖν τὸν πόλεμον, ἐλπίζων διαλύσεισ καὶ μὴ βουλόμενοσ ἐν ἀγῶνι χείρω γενομένην τὴν πόλιν αὐτὴν ὑφ’ αὑτῆσ παθεῖν τὰ ἔσχατα, σιδήρῳ διακριθεῖσαν. ἄλλα δὲ τούτων ἀδελφὰ Πομπήϊον ἔπεισε καὶ τοὺσ συνέδρουσ ψηφίσασθαι, μήτε πόλιν ὑπήκοον Ῥωμαίων διαρπάζειν μήτε ἄνδρα Ῥωμαῖον ἔξω παρατάξεωσ ἀναιρεῖν ἃ καὶ δόξαν ἤνεγκε καὶ προσηγάγετο πολλοὺσ τῇ Πομπηϊού μερίδι, τὴν ἐπιείκειαν αὐτοῦ καὶ τὸ ἥμερον ἀσπασαμένουσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기