호흡부호 보기
강세부호 보기
장단부호 보기
작은 Iota 보기
모든 부호 보기
ι δὲ ἐν Κύπρῳ Πτολεμαῖοσ εὐτυχίᾳ τινὶ τοῦ Κάτωνοσ ἑαυτὸν φαρμάκοισ ἀπέκτεινε, πολλῶν δὲ χρημάτων ἀπολελεῖφθαι λεγομένων, αὐτὸσ μὲν ἔγνω πλεῖν εἰσ Βυζαντίουσ, πρὸσ δὲ τὴν Κύπρον ἐξέπεμψε τὸν ἀδελφιδοῦν Βροῦτον, οὐ πάνυ τι πιστεύων τῷ Κανιδίῳ. τοὺσ δὲ φυγάδασ διαλλάξασ καὶ καταλιπὼν ἐν ὁμονοίᾳ τὸ Βυζαντίον, οὕτωσ εἰσ Κύπρον ἔπλευσεν. οὔσησ δὲ πολλῆσ καὶ βασιλικῆσ ἐν ἐκπώμασι καὶ τραπέζαισ καὶ λίθοισ καὶ πορφύραισ κατασκευῆσ, ἣν ἔδει πραθεῖσαν ἐξαργυρισθῆναι, πάντα βουλόμενοσ ἐξακριβοῦν καὶ πάντα κατατείνειν εἰσ ἄκραν τιμὴν καὶ πᾶσιν αὐτὸσ παρεῖναι καὶ προσάγειν τὸν ἔσχατον ἐκλογισμόν, οὐδὲ τοῖσ ἐθάσι τῆσ ἀγορᾶσ ἐπίστευεν, ἀλλὰ ὑπονοῶν ὁμοῦ πάντασ, ὑπηρέτασ, κήρυκασ, ὠνητάσ, φίλουσ, τέλοσ αὐτὸσ ἰδίᾳ τοῖσ ὠνουμένοισ διαλεγόμενοσ καὶ προσβιβάζων ἕκαστον, οὕτω τὰ πλεῖστα τῶν ἀγορασμάτων ἐπώλει.
διὸ τοῖσ τε ἄλλοισ φίλοισ ὡσ ἀπιστῶν προσέκρουσε, καὶ τὸν συνηθέστατον ἁπάντων Μουνάτιον εἰσ ὀργὴν ὀλίγου δεῖν ἀνήκεστον γενομένην ἐνέβαλεν, ὥστε καὶ Καίσαρι γράφοντι λόγον κατὰ τοῦ Κάτωνοσ πικροτάτην τοῦτο τὸ μέροσ τῆσ κατηγορίασ διατριβὴν παρασχεῖν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기