호흡부호 보기
강세부호 보기
장단부호 보기
작은 Iota 보기
모든 부호 보기
ἀλλὰ καίπερ οὕτωσ τὰ πράγματα κατειληφότεσ ἐγκρατῶσ, καὶ τὸ μὲν χάριτι τῆσ πόλεωσ, τὸ δὲ φόβῳ μέροσ ὑφ’ ἑαυτοὺσ ἔχοντεσ ὅμωσ ἐφοβοῦντο τὸν Κάτωνα, καὶ γάρ ἐν οἷσ περιῆσαν αὐτοῦ τό γε χαλεπῶσ καὶ μετὰ πόνων καὶ μὴ χωρὶσ αἰσχύνησ, ἀλλ’ ἐλεγχομένουσ βιάζεσθαι μόλισ ἀνιαρὸν ἦν καὶ πρόσαντεσ. ὁ δὲ Κλώδιοσ οὐδὲ Κικέρωνα καταλύσειν ἤλπιζε Κάτωνοσ παρόντοσ, ἀλλὰ τοῦτο διαμηχανώμενοσ πρῶτον, ὡσ εἰσ ἀρχὴν κατέστη, μετεπέμψατο τὸν Κάτωνα καὶ λόγουσ αὐτῷ προσήνεγκεν ὡσ πάντων ἐκεῖνον ἡγούμενοσ ἄνδρα Ῥωμαίων καθαρώτατον ἔργῳ διδόναι πίστιν ἕτοιμόσ ἐστι·
πολλῶν γὰρ αἰτουμένων τὴν ἐπὶ Κύπρον καὶ Πτολεμαῖον ἀρχὴν καὶ δεομένων ἀποσταλῆναι μόνον ἄξιον ἐκεῖνον ἡγεῖσθαι καὶ διδόναι τὴν χάριν ἡδέωσ. ἅτεροσ δὲ Κλωδίου πελάτησ, ὡσ δὲ μικρὸν ἔργον αὐτῷ Κύπρον καὶ Πτολεμαῖον ἀναθείσ, ἔτι καὶ Βυζαντίων φυγάδασ κατάγειν προσέταξε, βουλόμενοσ ὅτι πλεῖστον χρόνον ἐκποδὼν ἄρχοντοσ αὐτοῦ γενέσθαι τὸν Κάτωνα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기