헬라어 문장 검색 - Πλυταρ́Ξατοτηέ26́

(플루타르코스, Cato the Younger, chapter 26)

τῶν δὲ περὶ τὸν Λέντλον ἀναιρεθέντων, καὶ τοῦ Καίσαροσ περὶ ὧν εἰσηγγέλθη καὶ διεβλήθη πρὸσ τὴν σύγκλητον εἰσ τὸν δῆμον καταφυγόντοσ καὶ τὰ πολλὰ νοσοῦντα καὶ διεφθαρμένα τῆσ πολιτείασ μέρη ταράττοντοσ καὶ συνάγοντοσ πρὸσ αὑτόν, ὁ Κάτων φοβηθεὶσ ἔπεισε τὴν βουλὴν ἀναλαβεῖν τὸν ἄπορον καὶ ἀνέμητον ὄχλον εἰσ τὸ σιτηρέσιον, ἀναλώματοσ μὲν ὄντοσ ἐνιαυσίου χιλίων καὶ διακοσίων καὶ πεντήκοντα ταλάντων, περιφανῶσ δὲ τῇ φιλανθρωπίᾳ ταύτῃ καὶ χάριτι τῆσ ἀπειλῆσ ἐκείνησ διαλυθείσησ. ἐντεῦθεν εἰσ τὴν δημαρχίαν ἐμπεσὼν ὁ Μέτελλοσ ἐκκλησίασ τε θορυβώδεισ συνῆγε, καὶ νόμον ἔγραψε Πομπήϊον Μᾶγνον ἰέναι κατὰ τάχοσ μετὰ τῶν δυνάμεων εἰσ Ἰταλίαν καὶ παραλαβόντα σῴζειν τὴν πόλιν, ὡσ ὑπὸ Κατιλίνα κινδυνεύουσαν.

ἦν δὲ τοῦτο λόγοσ εὐπρεπήσ, ἔργον δὲ τοῦ νόμου καί τέλοσ ἐγχειρίσαι τὰ πράγματα Πομπηϊῴ καὶ παραδοῦναι τὴν ἡγεμονίαν. γενομένησ δὲ βουλῆσ καὶ τοῦ Κάτωνοσ οὐχ, ὥσπερ εἰώθει, τῷ Μετέλλῳ σφοδρῶσ ἐμπεσόντοσ, ἀλλ’ ἐπιεικῆ πολλὰ καὶ μέτρια παραινέσαντοσ, τέλοσ δὲ καὶ πρὸσ δεήσεισ τραπομένου καὶ τὴν Μετέλλων οἰκίαν ἀεὶ γενομένην ἀριστοκρατικὴν ἐπαινέσαντοσ, ἔτι μᾶλλον ἐξαρθεὶσ καὶ καταφρονήσασ ὁ Μέτελλοσ ὡσ ἐνδιδόντοσ αὐτοῦ καὶ πτήσσοντοσ εἰσ ὑπερηφάνουσ ἀπειλὰσ καὶ λόγουσ θρασεῖσ ἐξέπεσεν, ὡσ βίᾳ πάντα τῆσ βουλῆσ διαπραξόμενοσ.

οὕτω δὴ μεταβαλὼν ὁ Κάτων καὶ σχῆμα καὶ φωνὴν καὶ λόγον, ἐπειπὼν δὲ πᾶσι τοῖσ ἄλλοισ διατεταμένωσ ὅτι ζῶντοσ αὐτοῦ Πομπήϊοσ οὐ παρέσται μεθ’ ὅπλων εἰσ τὴν πόλιν, ἐκεῖνο τῇ βουλῇ παρέστησεν, ὡσ οὐδέτεροσ μὲν καθέστηκεν οὐδὲ χρῆται λογισμοῖσ ἀσφαλέσιν, ἔστι δὲ ἡ μὲν Μετέλλου πολιτεία μανία δι’ ὑπερβολὴν κακίασ φερομένη πρὸσ ὄλεθρον καὶ σύγχυσιν ἁπάντων, ἡ δὲ Κάτωνοσ ἀρετῆσ ἐνθουσιασμόσ ὑπὲρ τῶν καλῶν καὶ δικαίων ἀγωνιζομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cato the Younger, chapter 26

(플루타르코스, Cato the Younger, chapter 26)

상위

목록

SEARCH

MENU NAVIGATION