헬라어 문장 검색 - Πλυταρ́Ξατοτηέ25́

(플루타르코스, Cato the Younger, chapter 25)

εἶτα ἔγημε θυγατέρα Φιλίππου, Μαρκίαν, ἐπιεικῆ δοκοῦσαν εἶναι γυναῖκα, περὶ ἧσ ὁ πλεῖστοσ λόγοσ· καὶ καθάπερ ἐν δράματι τῷ βίῳ τοῦτο τὸ μέροσ προβληματῶδεσ γέγονε καὶ ἄπορον. ἐπράχθη δὲ τοῦτον τὸν τρόπον, ὡσ ἱστορεῖ Θρασέασ, εἰσ Μουνάτιον, ἄνδρα Κάτωνοσ ἑταῖρον καὶ συμβιωτήν, ἀναφέρων τήν πίστιν· ἐν πολλοῖσ ἐρασταῖσ καὶ θαυμασταῖσ τοῦ Κάτωνοσ ἦσαν ἑτέρων ἕτεροι μᾶλλον ἔκδηλοι καὶ διαφανεῖσ, ὧν καὶ Κόϊντοσ Ὁρτήσιοσ, ἀνὴρ ἀξιώματόσ τε λαμπροῦ καὶ τὸν τρόπον ἐπιεικήσ, ἐπιθυμῶν οὖν τῷ Κάτωνι μὴ συνήθησ εἶναι μηδὲ ἑταῖροσ μόνον, ἀλλ’ ἁμῶσ γέ πωσ εἰσ οἰκειότητα καταμίξαι καὶ κοινωνίαν πάντα τὸν οἶκον καὶ τό γένοσ, ἐπεχείρησε συμπείθειν ὅπωσ τήν θυγατέρα Πορκίαν, Βύβλῳ συνοικοῦσαν καὶ πεποιημένην ἐκείνῳ δύο παῖδασ, αὐτῷ πάλιν ὥσπερ εὐγενῆ χώραν ἐντεκνώσασθαι παράσχῃ.

δόξῃ μὲν γὰρ ἀνθρώπων ἄτοπον εἶναι τὸ τοιοῦτον, φύσει δὲ καλὸν καὶ πολιτικόν, ἐν ὡρ́ᾳ καὶ ἀκμῇ γυναῖκα μήτε ἀργεῖν τὸ γόνιμον ἀποσβέσασαν, μήτε πλείονα τῶν ἱκανῶν ἐπιτίκτουσαν, ἐνοχλεῖν καὶ καταπτωχεύειν οὐδὲν δεόμενον, κοινουμένουσ δὲ τὰσ διαδοχὰσ ἀξίοισ ἀνδράσι τήν τε ἀρετὴν ἄφθονον ποιεῖν καὶ πολύχυτον τοῖσ γένεσι, καὶ τήν πόλιν αὑτὴν πρὸσ αὑτὴν ἀνακεραννύναι ταῖσ οἰκειότησιν.

εἰ δὲ πάντωσ περιέχοιτο τῆσ γυναικὸσ ὁ Βύβλοσ, ἀποδώσειν εὐθὺσ τεκοῦσαν, οἰκειότεροσ αὐτῷ τε Βύβλῳ καὶ Κάτωνι ι κοινωνίᾳ παίδων γενόμενοσ. ἀποκριναμένου δὲ τοῦ Κάτωνοσ ὡσ Ὁρτήσιον μὲν ἀγαπᾷ καὶ δοκιμάζει κοινωνὸν οἰκειότητοσ, ἄτοπον δὲ ἡγεῖται ποιεῖσθαι λόγον περὶ γάμου θυγατρὸσ ἑτέρῳ δεδομένησ, μεταβαλὼν ἐκεῖνοσ οὐκ ὤκνησεν ἀποκαλυψάμενοσ αἰτεῖν τήν αὐτοῦ γυναῖκα Κάτωνοσ, νέαν μὲν οὖσαν ἔτι πρὸσ τὸ τίκτειν, ἔχοντοσ δὲ τοῦ Κάτωνοσ ἀποχρῶσαν διαδοχήν.

καὶ οὐκ ἔστιν εἰπεῖν ὡσ ταῦτα ἔπραττεν εἰδὼσ οὐ προσέχοντα τῇ Μαρκίᾳ τὸν Κάτωνα·

κύουσαν γὰρ αὑτὴν τότε τυγχάνειν λέγουσιν. ὁ δὲ οὖν Κάτων ὁρῶν τήν τοῦ Ὁρτησίου σπουδὴν καὶ προθυμίαν οὐκ ἀντεῖπεν, ἀλλ’ ἔφη δεῖν καὶ Φιλίππῳ ταῦτα συνδόξαι τῷ πατρὶ τῆσ Μαρκίασ. ὡσ οὖν ὁ Φίλιπποσ ἐντευχθεὶσ ἔγνω τήν συγχώρησιν, οὐκ ἄλλωσ ἐνεγγύησε τήν Μαρκίαν ἢ παρόντοσ τοῦ Κάτωνοσ αὐτοῦ καὶ συνεγγυῶντοσ. ταῦτα μὲν οὖν, εἰ καὶ χρόνοισ ὕστερον ἐπράχθη, μνησθέντι μοι τὸ τῶν γυναικῶν προλαβεῖν ἔδοξε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cato the Younger, chapter 25

(플루타르코스, Cato the Younger, chapter 25)

상위

목록

SEARCH

MENU NAVIGATION